Tehillim/Psalm 13
זה המזמור – נראין בו דרכי הדרש, שאמרו (שוחר טוב יג, א): ארבע פעמים נאמר כאן "עד אנה", כנגד ארבע מלכויות. כלומר שהמזמור נאמר בנבואה על הגלויות העתידים.
לַמְנַצֵּ֗חַ מִזְמ֥וֹר לֺדָוִֽד׃
עַד־אָ֣נָה י֭הוה תִּשְׁכָּחֵ֣נִי נֶ֑צַח עַד־אָ֓נָה ׀ תַּסְתִּ֖יר אֶת־פָּנֶ֣יךָ מִמֶּֽנִּי׃
עַד־אָ֨נָה אָשִׁ֪ית עֵצ֡וֹת בֺּנַפְשִׁ֗י יָג֣וֹן בִּלְבָבִ֣י יוֹמָ֑ם עַד־אָ֓נָה ׀ יָר֖וּם אֹיֺבִ֣י עָלָֽי׃
הַבִּ֣יטָֽה עֲ֭נֵנִי יהו֣ה אֱלֹהָ֑י הָאִ֥ירָה עֵ֝ינַ֗י פֶּן־אִישַׁ֥ן הַמָּֽוֶת׃
פֶּן־יֹאמַ֣ר אֹיֺבִ֣י יֺכׇלְתִּ֑יו צָרַ֥י יָ֝גִ֗ילוּ כִּ֣י אֶמּֽוֹט׃
וַאֲנִ֤י ׀ בֺּחַסְדֺּךָ֣ בָטַחְתִּי֮ יָ֤גֵ֥ל לִבִּ֗י בִּֽישׁוּעָ֫תֶ֥ךָ אָשִׁ֥ירָה לַיהו֑ה כִּ֖י גָמַ֣ל עָלָֽי׃
More Tehillim on this site: The Book of Tehillim – All 150 Psalms · Daily Tehillim · Communal Tehillim