Tehillim/Psalm 24

אלֺדָוִ֗ד מִ֫זְמ֥וֹר לַֽ֭יהוה הָאָ֣רֶץ וּמְלוֹאָ֑הּ תֵּ֝בֵ֗ל וֺיֹ֣שֺׁבֵי בָֽהּ׃

בכִּי־ה֭וּא עַל־יַמִּ֣ים יֺסָדָ֑הּ וֺעַל־נֺ֝הָר֗וֹת יֺכוֹנֺנֶֽהָ׃

גמִֽי־יַעֲלֶ֥ה בֺהַר־יהו֑ה וּמִי־יָ֝קוּם בִּמְק֥וֹם קׇדֺשֽׁוֹ׃

דנֺקִ֥י כַפַּ֗יִם וּֽבַר־לֵ֫בָ֥ב אֲשֶׁ֤ר ׀ לֹא־נָשָׂ֣א לַשָּׁ֣וֺא נַפְשִׁ֑י וֺלֹ֖א נִשְׁבַּ֣ע לֺמִרְמָֽה׃

היִשָּׂ֣א בֺ֭רָכָה מֵאֵ֣ת יהו֑ה וּ֝צְדָקָ֗ה מֵאֱלֹהֵ֥י יִשְׁעֽוֹ׃

וזֶ֭ה דּ֣וֹר דֹּרֺשָׁ֑יו מֺבַקְשֵׁ֨י פָנֶ֖יךָ יַעֲקֹ֣ב סֶֽלָה׃

זשֺׂא֤וּ שֺׁעָרִ֨ים ׀ רָֽאשֵׁיכֶ֗ם וֺֽ֭הִנָּשֺׂאוּ פִּתְחֵ֣י עוֹלָ֑ם וֺ֝יָב֗וֹא מֶ֣לֶךְ הַכָּבֽוֹד׃

חמִ֥י זֶה֮ מֶ֤לֶךְ הַכָּ֫ב֥וֹד י֭הוה עִזּ֣וּז וֺגִבּ֑וֹר י֝הו֗ה גִּבּ֥וֹר מִלְחָמָֽה׃

טשֺׂא֤וּ שֺׁעָרִ֨ים ׀ רָֽאשֵׁיכֶ֗ם וּ֭שְׂאוּ פִּתְחֵ֣י עוֹלָ֑ם וֺ֝יָבֹא מֶ֣לֶךְ הַכָּבֽוֹד׃

ימִ֤י ה֣וּא זֶה֮ מֶ֤לֶךְ הַכָּ֫ב֥וֹד יהו֥ה צֺבָא֑וֹת ה֤וּא מֶ֖לֶךְ הַכָּב֣וֹד סֶֽלָה׃