Tehillim/Psalm 4

המזמור הזה גם הוא נאמר בזמן מלחמת אבשלום, שהיו רוב בני ישראל מבזים אותו ונאספים להילחם עליו.

לַמְנַצֵּ֥חַ בִּנְגִינ֗וֹת מִזְמ֥וֹר לֺדָוִֽד׃

בְּקׇרֺאִ֡י עֲנֵ֤נִי ׀ אֱלֹ֘הֵ֤י צִדְקִ֗י בַּ֭צָּר הִרְחַ֣בְתָּ לִּ֑י חׇ֝נֵּ֗נִי וּשְׁמַ֥ע תֺּפִלָּתִֽי׃

בֺּנֵ֥י־אִ֡ישׁ עַד־מֶ֬ה כֺבוֹדִ֣י לִ֭כְלִמָּה תֶּאֱהָב֣וּן רִ֑יק תֺּבַקְשׁ֖וּ כָזָ֣ב סֶֽלָה׃

וּדֺע֗וּ כִּֽי־הִפְלָ֣ה י֭הוה חָסִ֣יד ל֑וֹ יהו֥ה יִ֝שְׁמַ֗ע בְּקׇרֺאִ֥י אֵלָֽיו׃

רִגְז֗וּ וֺֽאַל־תֶּ֫חֱטָ֥אוּ אִמְר֣וּ בִ֭לְבַבְכֶם עַֽל־מִשְׁכַּבְכֶ֗ם וֺדֹ֣מּוּ סֶֽלָה׃

זִבְח֥וּ זִבְחֵי־צֶ֑דֶק וּ֝בִטְח֗וּ אֶל־יהוֽה׃

רַבִּ֥ים אֹמֺרִים֮ מִֽי־יַרְאֵ֪נ֫וּ ט֥וֹב נֺֽסָה־עָ֭לֵינוּ א֨וֹר פָּנֶ֬יךָ יהוֽה׃

נָתַ֣תָּה שִׂמְחָ֣ה בֺלִבִּ֑י מֵעֵ֬ת דֺּגָנָ֖ם וֺתִֽירוֹשָׁ֣ם רָֽבּוּ׃

בֺּשָׁל֣וֹם יַחְדָּו֮ אֶשְׁכֺּבָ֪ה וֺאִ֫ישָׁ֥ן כִּֽי־אַתָּ֣ה יהו֣ה לֺבָדָ֑ד לָ֝בֶ֗טַח תּוֹשִׁיבֵֽנִי׃