Tehillim/Psalm 47

זה המזמור, כסדר שלפניו, רומז על זמן עבור מלחמת גוג ומגוג ושקוט הארץ, וכל הנשארים יבואו לחסות תחת כנפיו.

לַמְנַצֵּ֬חַ ׀ לִבְנֵי־קֹ֬רַח מִזְמֽוֹר׃

כׇּֽל־הָ֭עַמִּים תִּקְעוּ־כָ֑ף הָרִ֥יעוּ לֵ֝אלֹהִ֗ים בֺּק֣וֹל רִנָּֽה׃

כִּֽי־יהו֣ה עֶלְי֣וֹן נוֹרָ֑א מֶ֥לֶךְ גָּ֝דוֹל עַל־כׇּל־הָאָֽרֶץ׃

יַדְבֵּ֣ר עַמִּ֣ים תַּחְתֵּ֑ינוּ וּ֝לֺאֻמִּ֗ים תַּ֣חַת רַגְלֵֽינוּ׃

יִבְחַר־לָ֥נוּ אֶת־נַחֲלָתֵ֑נוּ אֶ֥ת גֺּא֨וֹן יַעֲקֹ֖ב אֲשֶׁר־אָהֵ֣ב סֶֽלָה׃

עָלָ֣ה אֱ֭לֹהִים בִּתְרוּעָ֑ה י֝הו֗ה בֺּק֣וֹל שׁוֹפָֽר׃

זַמֺּר֣וּ אֱלֹהִ֣ים זַמֵּ֑רוּ זַמֺּר֖וּ לֺמַלְכֵּ֣נוּ זַמֵּֽרוּ׃

כִּ֤י מֶ֖לֶךְ כׇּל־הָאָ֥רֶץ אֱלֹהִ֗ים זַמֺּר֥וּ מַשְׂכִּֽיל׃

מָלַ֣ךְ אֱ֭לֹהִים עַל־גּוֹיִ֑ם אֱ֝לֹהִ֗ים יָשַׁ֤ב ׀ עַל־כִּסֵּ֬א קׇדֺשֽׁוֹ׃

נֺדִ֘יבֵ֤י עַמִּ֨ים ׀ נֶאֱסָ֗פוּ עַם֮ אֱלֹהֵ֪י אַבְרָ֫הָ֥ם כִּ֣י לֵֽ֭אלֹהִים מָֽגִנֵּי־אֶ֗רֶץ מֺאֹ֣ד נַעֲלָֽה׃