Tehillim/Psalm 60
בדרש אמרו (שוחר טוב ס, א) שכשהלך (יואב) להילחם עם ארם, אמרו לו: אי אתה מזרעו של יעקב, שכבר התנה עם לבן שלא לעבור בתחומו לרעה, כדכתיב: "לכה נכרתה ברית אני ואתה" (בראשית לא, מד). כששמע יואב כן, לא היה יודע מה להשיב ובא אצל דוד, אמר לו: כך וכך אמרו לי. מיד הושיב סנהדרין, אמרו לו: הם עברו הברית תחילה, שנאמר "מן ארם ינחני בלק מלך מואב" (במדבר כב, ז), ולא זו בלבד אלא אף בימי כושן רשעתיים (ראה שופטים ג, ח). מיד: "וישב יואב". ואמר שזה המזמור חובר כשנלחם עם ארם נהריים וארם צובה.
לַ֭מְנַצֵּחַ עַל־שׁוּשַׁ֣ן עֵד֑וּת מִכְתָּ֖ם לֺדָוִ֣ד לֺלַמֵּֽד׃
בֺּהַצּוֹת֨וֹ ׀ אֶ֥ת אֲרַ֣ם נַהֲרַיִם֮ וֺאֶת־אֲרַ֪ם צ֫וֹבָ֥ה וַיָּ֤שׇׁב יוֹאָ֗ב וַיַּ֣ךְ אֶת־אֱד֣וֹם בֺּגֵיא־מֶ֑לַח שֺׁנֵ֖ים עָשָׂ֣ר אָֽלֶף׃
אֱ֭לֹהִים זֺנַחְתָּ֣נוּ פֺרַצְתָּ֑נוּ אָ֝נַ֗פְתָּ תֺּשׁ֣וֹבֵ֥ב לָֽנוּ׃
הִרְעַ֣שְׁתָּה אֶ֣רֶץ פֺּצַמְתָּ֑הּ רֺפָ֖ה שֺׁבָרֶ֣יהָ כִי־מָֽטָה׃
הִרְאִ֣יתָה עַמֺּךָ֣ קָשָׁ֑ה הִ֝שְׁקִיתָ֗נוּ יַ֣יִן תַּרְעֵלָֽה׃
נָ֘תַ֤תָּה לִּירֵאֶ֣יךָ נֵּ֭ס לֺהִתְנוֹסֵ֑ס מִ֝פֺּנֵ֗י קֹ֣שֶׁט סֶֽלָה׃
לֺ֭מַעַן יֵחָלֺצ֣וּן יֺדִידֶ֑יךָ הוֹשִׁ֖יעָה יֺמִֽינֺךָ֣ וַעֲנֵֽנִי׃
אֱלֹהִ֤ים ׀ דִּבֶּ֥ר בְּקׇדֺשׁ֗וֹ אֶ֫עְלֹ֥זָה אֲחַלֺּקָ֥ה שֺׁכֶ֑ם וֺעֵ֖מֶק סֻכּ֣וֹת אֲמַדֵּֽד׃
לִ֤י גִלְעָ֨ד ׀ וֺלִ֬י מֺנַשֶּׁ֗ה וֺ֭אֶפְרַיִם מָע֣וֹז רֹאשִׁ֑י יֺ֝הוּדָ֗ה מֺחֹֽקֺקִי׃
מוֹאָ֤ב ׀ סִ֬יר רַחְצִ֗י עַל־אֱ֭דוֹם אַשְׁלִ֣יךְ נַעֲלִ֑י עָ֝לַ֗י פֺּלֶ֣שֶׁת הִתְרוֹעָֽעִֽי׃
מִ֣י י֭וֹבִלֵנִי עִ֣יר מָצ֑וֹר מִ֖י נָחַ֣נִי עַד־אֱדֽוֹם׃
הֲלֹֽא־אַתָּ֣ה אֱלֹהִ֣ים זֺנַחְתָּ֑נוּ וֺֽלֹא־תֵצֵ֥א אֱ֝לֹהִ֗ים בֺּצִבְאוֹתֵֽינוּ׃
הָֽבָה־לָּ֣נוּ עֶזְרָ֣ת מִצָּ֑ר וֺ֝שָׁ֗וֺא תֺּשׁוּעַ֥ת אָדָם׃
בֵּֽאלֹהִ֥ים נַעֲשֶׂה־חָ֑יִל וֺ֝ה֗וּא יָב֥וּס צָרֵֽינוּ׃
More Tehillim on this site: The Book of Tehillim – All 150 Psalms · Daily Tehillim · Communal Tehillim