Tehillim/Psalm 64

זה המזמור נאמר גם כן בברחו מפני אויביו, ומתפלל ומתחנן על גלותו וטלטולו וצרותיו, אשר היו אויביו צוררים אותו ומתנכלים עליו לרדפו ולהמיתו.

לַמְנַצֵּ֗חַ מִזְמ֥וֹר לֺדָוִֽד׃

שֺׁמַע־אֱלֹהִ֣ים קוֹלִ֣י בֺשִׂיחִ֑י מִפַּ֥חַד א֝וֹיֵ֗ב תִּצֹּ֥ר חַיָּֽי׃

תַּ֭סְתִּירֵנִי מִסּ֣וֹד מֺרֵעִ֑ים מֵ֝רִגְשַׁ֗ת פֹּ֣עֲלֵי אָֽוֶן׃

אֲשֶׁ֤ר שָׁנֺנ֣וּ כַחֶ֣רֶב לֺשׁוֹנָ֑ם דָּרֺכ֥וּ חִ֝צָּ֗ם דָּבָ֥ר מָֽר׃

לִיר֣וֹת בַּמִּסְתָּרִ֣ים תָּ֑ם פִּתְאֹ֥ם יֹ֝רֻ֗הוּ וֺלֹ֣א יִירָֽאוּ׃

יֺחַזֺּקוּ־לָ֨מוֹ ׀ דָּ֘בָ֤ר רָ֗ע יֺֽ֭סַפֺּרוּ לִטְמ֣וֹן מוֹקֺשִׁ֑ים אָ֝מֺר֗וּ מִ֣י יִרְאֶה־לָּֽמוֹ׃

יַֽחְפֺּֽשׂוּ־עוֹלֹ֗ת תַּ֭מְנוּ חֵ֣פֶשׂ מֺחֻפָּ֑שׂ וֺקֶ֥רֶב אִ֝֗ישׁ וֺלֵ֣ב עָמֹֽק׃

וַיֹּרֵ֗ם אֱלֹ֫הִ֥ים חֵ֥ץ פִּתְא֑וֹם הָ֝י֗וּ מַכֹּתָֽם׃

וַיַּכְשִׁילֻ֣הוּ עָלֵ֣ימוֹ לֺשׁוֹנָ֑ם יִ֝תְנוֹדֲד֗וּ כׇּל־רֹ֥אֵה בָֽם׃

וַיִּֽירְא֗וּ כׇּל־אָ֫דָ֥ם וַ֭יַּגִּידוּ פֹּ֥עַל אֱלֹהִ֗ים וּֽמַעֲשֵׂ֥הוּ הִשְׂכִּֽילוּ׃

יִשְׂמַ֬ח צַדִּ֣יק בַּ֭יהוה וֺחָ֣סָה ב֑וֹ וֺ֝יִתְהַֽלֺל֗וּ כׇּל־יִשְׁרֵי־לֵֽב׃