Tehillim/Psalm 98

אמִזְמ֡וֹר שִׁ֤ירוּ לַֽיהו֨ה ׀ שִׁ֣יר חָ֭דָשׁ כִּֽי־נִפְלָא֣וֹת עָשָׂ֑ה הוֹשִֽׁיעָה־לּ֥וֹ יֺ֝מִינ֗וֹ וּזְר֥וֹעַ קׇדֺשֽׁוֹ׃

בהוֹדִ֣יעַ י֭הוה יֺשׁוּעָת֑וֹ לֺעֵינֵ֥י הַ֝גּוֹיִ֗ם גִּלָּ֥ה צִדְקָתֽוֹ׃

גזָ֘כַ֤ר חַסְדּ֨וֹ ׀ וֶֽאֱֽמוּנָתוֹ֮ לֺבֵ֪ית יִשְׂרָ֫אֵ֥ל רָא֥וּ כׇל־אַפְסֵי־אָ֑רֶץ אֵ֝֗ת יֺשׁוּעַ֥ת אֱלֹהֵֽינוּ׃

דהָרִ֣יעוּ לַֽ֭יהוה כׇּל־הָאָ֑רֶץ פִּצְח֖וּ וֺרַנֺּנ֣וּ וֺזַמֵּֽרוּ׃

הזַמֺּר֣וּ לַיהו֣ה בֺּכִנּ֑וֹר בֺּ֝כִנּ֗וֹר וֺק֣וֹל זִמְרָֽה׃

ובַּ֭חֲצֹ֣צֺרוֹת וֺק֣וֹל שׁוֹפָ֑ר הָ֝רִ֗יעוּ לִפְנֵ֤י ׀ הַמֶּ֬לֶךְ יהוֽה׃

זיִרְעַ֣ם הַ֭יָּם וּמְלֹא֑וֹ תֵּ֝בֵ֗ל וֺיֹ֣שֺׁבֵי בָֽהּ׃

חנֺהָר֥וֹת יִמְחֲאוּ־כָ֑ף יַ֝֗חַד הָרִ֥ים יֺרַנֵּֽנוּ׃

טלִֽפְֽנֵי־יהו֗ה כִּ֥י בָא֮ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בֺּצֶ֑דֶק וֺ֝עַמִּ֗ים בֺּמֵישָׁרִֽים׃