תהלים פרק עב
זה המזמור – עיקר העניין בו, שנאמר בסוף ימיו, כשרצה להמליך את שלמה, והתפלל לאל על הצלחת מלכותו. והוא עניין "כלו תפלות דוד בן ישי" (להלן, כ), כי בעת חולי המוות אמרוֹ. והיה ראוי להיות מאוחר שבמזמורים, אלא שהמזמורים לא נכתבו על סדר המעשים, או שלא רצו להשלים הספר אלא בחלק המזמורים שכולם שבח לאל וסיפור נפלאותיו. ויש מפרשים אותו על מלך המשיח, והתייחס לשלמה על רמז ׳שלימות׳. ומכל מקום, עיקר הדברים שעל שלמה נאמר.
לִשְׁלֹמֹ֨ה ׀ אֱֽלֹהִ֗ים מִ֭שְׁפָּטֶיךָ לֺמֶ֣לֶךְ תֵּ֑ן וֺצִדְקָתֺךָ֥ לֺבֶן־מֶֽלֶךְ׃
יָדִ֣ין עַמֺּךָ֣ בֺצֶ֑דֶק וַעֲנִיֶּ֥יךָ בֺמִשְׁפָּֽט׃
יִשְׂא֤וּ הָרִ֓ים שָׁ֘ל֥וֹם לָעָ֑ם וּ֝גֺבָע֗וֹת בִּצְדָקָֽה׃
יִשְׁפֹּ֤ט ׀ עֲֽנִיֵּי־עָ֗ם י֭וֹשִׁיעַ לִבְנֵ֣י אֶבְי֑וֹן וִֽידַכֵּ֣א עוֹשֵֽׁק׃
יִֽירָא֥וּךָ עִם־שָׁ֑מֶשׁ וֺלִפְנֵ֥י יָ֝רֵ֗חַ דּ֣וֹר דּוֹרִֽים׃
יֵ֭רֵד כֺּמָטָ֣ר עַל־גֵּ֑ז כִּ֝רְבִיבִ֗ים זַרְזִ֥יף אָֽרֶץ׃
יִֽפְרַח־בֺּיָמָ֥יו צַדִּ֑יק וֺרֹ֥ב שָׁ֝ל֗וֹם עַד־בֺּלִ֥י יָרֵֽחַ׃
וֺ֭יֵרְדְּ מִיָּ֣ם עַד־יָ֑ם וּ֝מִנָּהָ֗ר עַד־אַפְסֵי־אָֽרֶץ׃
לֺ֭פָנָיו יִכֺרֺע֣וּ צִיִּ֑ים וֺ֝אֹיֺבָ֗יו עָפָ֥ר יֺלַחֵֽכוּ׃
מַלְכֵ֬י תַרְשִׁ֣ישׁ וֺ֭אִיִּים מִנְחָ֣ה יָשִׁ֑יבוּ מַלְכֵ֥י שֺׁבָ֥א וּ֝סְבָ֗א אֶשְׁכָּ֥ר יַקְרִֽיבוּ׃
וֺיִשְׁתַּחֲווּ־ל֥וֹ כׇל־מֺלָכִ֑ים כׇּל־גּוֹיִ֥ם יַֽעַבְדֽוּהוּ׃
כִּֽי־יַ֭צִּיל אֶבְי֣וֹן מֺשַׁוֵּ֑עַ וֺ֝עָנִ֗י וֺֽאֵין־עֹזֵ֥ר לֽוֹ׃
יָ֭חֹס עַל־דַּ֣ל וֺאֶבְי֑וֹן וֺנַפְשׁ֖וֹת אֶבְיוֹנִ֣ים יוֹשִֽׁיעַ׃
מִתּ֣וֹךְ וּ֭מֵחָמָס יִגְאַ֣ל נַפְשָׁ֑ם וֺיֵיקַ֖ר דָּמָ֣ם בֺּעֵינָֽיו׃
וִיחִ֗י וֺיִתֶּן־לוֹ֮ מִזֺּהַ֪ב שֺׁ֫בָ֥א וֺיִתְפַּלֵּ֣ל בַּעֲד֣וֹ תָמִ֑יד כׇּל־הַ֝יּ֗וֹם יֺבָרֲכֶֽנְהֽוּ׃
יֺהִ֤י פִסַּת־בַּ֨ר ׀ בָּאָרֶץ֮ בֺּרֹ֪אשׁ הָ֫רִ֥ים יִרְעַ֣שׁ כַּלֺּבָנ֣וֹן פִּרֺי֑וֹ וֺיָצִ֥יצוּ מֵ֝עִ֗יר כֺּעֵ֣שֶׂב הָאָֽרֶץ׃
יֺהִ֤י שֺׁמ֨וֹ לֺֽעוֹלָ֗ם לִפְנֵי־שֶׁמֶשׁ֮ יִנּ֪וֹן שֺׁ֫מ֥וֹ וֺיִתְבָּ֥רֺכוּ ב֑וֹ כׇּל־גּוֹיִ֥ם יֺאַשֺּׁרֻֽהוּ׃
בָּר֤וּךְ ׀ יהו֣ה אֱ֭לֹהִים אֱלֹהֵ֣י יִשְׂרָאֵ֑ל עֹשֵׂ֖ה נִפְלָא֣וֹת לֺבַדּֽוֹ׃
וּבָר֤וּךְ ׀ שֵׁ֥ם כֺּבוֹד֗וֹ לֺע֫וֹלָ֥ם וֺיִמָּלֵ֣א כֺ֭בוֹדוֹ אֶת־כׇּ֥ל־הָאָ֗רֶץ אָ֘מֵ֥ן ׀ וֺאָמֵֽן׃
כׇּלּ֥וּ תֺפִלּ֑וֹת דָּ֝וִ֗ד בֶּן־יִשָֽׁי׃