תהלים פרק קט
יש מפרשים, שזה המזמור חיברו דוד בעת שהיה בורח ומתחבא מפני שאול. וחיברו על אנשים בני בליעל, שהיו מביאים דיבתו רעה אל שאול. ומכל מקום, אפשר לפרשו על הגלות הארוך הזה, שכמה בני בליעל משסים בנו את הנחשים ומרביצים עלינו את האריות, לולי ה׳ שהיה לנו להטות חסדיו עלינו לתתנו מחיה בעבדותנו. ואף בדרש (פסיקתא רבה יב) פירשוהו על אדום, ובמקום אחר דרשוהו (שוחר טוב קט, א-ג) על כל האומות המצרות לישראל. והמקראות – אפשר על שני הפירושין, כל אחד לפי רצונו.
לַ֭מְנַצֵּחַ לֺדָוִ֣ד מִזְמ֑וֹר אֱלֹהֵ֥י תֺ֝הִלָּתִ֗י אַֽל־תֶּחֱרַֽשׁ׃
כִּ֤י פִ֪י רָשָׁ֡ע וּֽפִי־מִ֭רְמָה עָלַ֣י פָּתָ֑חוּ דִּבֺּר֥וּ אִ֝תִּ֗י לֺשׁ֣וֹן שָֽׁקֶר׃
וֺדִבְרֵ֣י שִׂנְאָ֣ה סֺבָב֑וּנִי וַיִּֽלָּחֲמ֥וּנִי חִנָּֽם׃
תַּֽחַת־אַהֲבָתִ֥י יִשְׂטֺנ֗וּנִי וַאֲנִ֥י תֺפִלָּֽה׃
וַיָּ֘שִׂ֤ימוּ עָלַ֣י רָ֭עָה תַּ֣חַת טוֹבָ֑ה וֺ֝שִׂנְאָ֗ה תַּ֣חַת אַהֲבָתִֽי׃
הַפְקֵ֣ד עָלָ֣יו רָשָׁ֑ע וֺ֝שָׂטָ֗ן יַעֲמֹ֥ד עַל־יֺמִינֽוֹ׃
בֺּ֭הִשָּׁ֣פֺטוֹ יֵצֵ֣א רָשָׁ֑ע וּ֝תֺפִלָּת֗וֹ תִּהְיֶ֥ה לַֽחֲטָאָֽה׃
יִֽהְיֽוּ־יָמָ֥יו מֺעַטִּ֑ים פֺּ֝קֻדָּת֗וֹ יִקַּ֥ח אַחֵֽר׃
יִֽהְיוּ־בָנָ֥יו יֺתוֹמִ֑ים וֺ֝אִשְׁתּוֹ אַלְמָנָֽה׃
וֺנ֤וֹעַ יָנ֣וּעוּ בָנָ֣יו וֺשִׁאֵ֑לוּ וֺ֝דָרֺשׁ֗וּ מֵחׇרֺבוֹתֵיהֶֽם׃
יֺנַקֵּ֣שׁ נ֭וֹשֶׁה לֺכׇל־אֲשֶׁר־ל֑וֹ וֺיָבֹ֖זּוּ זָרִ֣ים יֺגִיעֽוֹ׃
אַל־יֺהִי־ל֭וֹ מֹשֵׁ֣ךְ חָ֑סֶד וֺֽאַל־יֺהִ֥י ח֝וֹנֵ֗ן לִיתוֹמָֽיו׃
יֺהִֽי־אַחֲרִית֥וֹ לֺהַכְרִ֑ית בֺּד֥וֹר אַ֝חֵ֗ר יִמַּ֥ח שֺׁמָֽם׃
יִזָּכֵ֤ר ׀ עֲוֹ֣ן אֲ֭בֹתָיו אֶל־יהו֑ה וֺחַטַּ֥את אִ֝מּ֗וֹ אַל־תִּמָּֽח׃
יִהְי֣וּ נֶֽגֶד־יהו֣ה תָּמִ֑יד וֺיַכְרֵ֖ת מֵאֶ֣רֶץ זִכְרָֽם׃
יַ֗עַן אֲשֶׁ֤ר ׀ לֹ֥א זָכַר֮ עֲשׂ֪וֹת חָ֥סֶד וַיִּרְדֹּ֡ף אִישׁ־עָנִ֣י וֺ֭אֶבְיוֹן וֺנִכְאֵ֨ה לֵבָ֬ב לֺמוֹתֵֽת׃
וַיֶּאֱהַ֣ב קֺ֭לָלָה וַתֺּבוֹאֵ֑הוּ וֺֽלֹא־חָפֵ֥ץ בִּ֝בְרָכָ֗ה וַתִּרְחַ֥ק מִמֶּֽנּוּ׃
וַיִּלְבַּ֥שׁ קֺלָלָ֗ה כֺּמַ֫דּ֥וֹ וַתָּבֹ֣א כַמַּ֣יִם בֺּקִרְבּ֑וֹ וֺ֝כַשֶּׁ֗מֶן בֺּעַצְמוֹתָֽיו׃
תֺּהִי־ל֭וֹ כֺּבֶ֣גֶד יַעְטֶ֑ה וּ֝לְמֵ֗זַח תָּמִ֥יד יַחְגֺּרֶֽהָ׃
זֹ֤את פֺּעֻלַּ֣ת שֹׂ֭טֺנַי מֵאֵ֣ת יהו֑ה וֺהַדֹּבֺרִ֥ים רָ֝֗ע עַל־נַפְשִֽׁי׃
וֺאַתָּ֤ה ׀ יְה֘וִ֤ה אֲדֹנָ֗י עֲֽשֵׂה־אִ֭תִּי לֺמַ֣עַן שֺׁמֶ֑ךָ כִּי־ט֥וֹב חַ֝סְדֺּךָ֗ הַצִּילֵֽנִי׃
כִּֽי־עָנִ֣י וֺאֶבְי֣וֹן אָנֹ֑כִי וֺ֝לִבִּ֗י חָלַ֥ל בֺּקִרְבִּֽי׃
כֺּצֵל־כִּנְטוֹת֥וֹ נֶהֱלָ֑כְתִּי נִ֝נְעַ֗רְתִּי כָּֽאַרְבֶּֽה׃
בִּ֭רְכַּי כָּשֺׁל֣וּ מִצּ֑וֹם וּ֝בְשָׂרִ֗י כָּחַ֥שׁ מִשָּֽׁמֶן׃
וַאֲנִ֤י ׀ הָיִ֣יתִי חֶרְפָּ֣ה לָהֶ֑ם יִ֝רְא֗וּנִי יֺנִיע֥וּן רֹאשָֽׁם׃
עׇ֭זְרֵנִי יהו֣ה אֱלֹהָ֑י ה֭וֹשִׁיעֵ֣נִי כֺחַסְדֶּֽךָ׃
וֺֽ֭יֵדֺעוּ כִּי־יָ֣דֺךָ זֹּ֑את אַתָּ֖ה יהו֣ה עֲשִׂיתָֽהּ׃
יֺקַֽלֺלוּ־הֵמָּה֮ וֺאַתָּ֪ה תֺבָ֫רֵ֥ךְ קָ֤מוּ ׀ וַיֵּבֹ֗שׁוּ וֺֽעַבְדֺּךָ֥ יִשְׂמָֽח׃
יִלְבֺּשׁ֣וּ שׂוֹטֺנַ֣י כֺּלִמָּ֑ה וֺיַעֲט֖וּ כַמְעִ֣יל בׇּשֺׁתָּֽם׃
א֘וֹדֶ֤ה יהו֣ה מֺאֹ֣ד בֺּפִ֑י וּבְת֖וֹךְ רַבִּ֣ים אֲהַֽלֺלֶֽנּוּ׃
כִּֽי־יַ֭עֲמֹד לִימִ֣ין אֶבְי֑וֹן לֺ֝הוֹשִׁ֗יעַ מִשֹּׁפֺטֵ֥י נַפְשֽׁוֹ׃
עוד תהלים באתר: ספר תהלים כל הפרקים · תהלים יומי · תהלים בציבור