תהלים פרק ל
נראה לי שאמרוֹ דוד אחר מות שאול, וששלח לו חירם מלך צור עצי ארזים וחרשי עץ ואבן ובנה לו בית (ראה שמואל ב' ה, יא). ונאמר שם "וידע דוד כי הכינו ה׳ למלך... וכי נשא ממלכתו" (שם יב) – כלומר, שהכיר שיצא שמו ונתפרסם מלכותו באומות, והוטלה אימתו ונפל פחדו על כל העמים.
מִזְמ֡וֹר שִׁיר־חֲנֻכַּ֖ת הַבַּ֣יִת לֺדָוִֽד׃
אֲרוֹמִמְךָ֣ י֭הוה כִּ֣י דִלִּיתָ֑נִי וֺלֹא־שִׂמַּ֖חְתָּ אֹיֺבַ֣י לִֽי׃
יהו֥ה אֱלֹהָ֑י שִׁוַּ֥עְתִּי אֵ֝לֶ֗יךָ וַתִּרְפָּאֵֽנִי׃
יֽהו֗ה הֶֽעֱלִ֣יתָ מִן־שֺׁא֣וֹל נַפְשִׁ֑י חִ֝יִּיתַ֗נִי מִיׇּֽרֺדִי־בֽוֹר׃
זַמֺּר֣וּ לַיהו֣ה חֲסִידָ֑יו וֺ֝הוֹד֗וּ לֺזֵ֣כֶר קׇדֺשֽׁוֹ׃
כִּ֤י רֶ֨גַע ׀ בֺּאַפּוֹ֮ חַיִּ֪ים בִּרְצ֫וֹנ֥וֹ בָּ֭עֶרֶב יָלִ֥ין בֶּ֗כִי וֺלַבֹּ֥קֶר רִנָּֽה׃
וַ֭אֲנִי אָמַ֣רְתִּי בֺשַׁלְוִ֑י בַּל־אֶמּ֥וֹט לֺעוֹלָֽם׃
יֽהו֗ה בִּרְצוֹנֺךָ֮ הֶעֱמַ֪דְתָּה לֺֽהַרֺרִ֫י עֹ֥ז הִסְתַּ֥רְתָּ פָנֶ֗יךָ הָיִ֥יתִי נִבְהָֽל׃
אֵלֶ֣יךָ יהו֣ה אֶקְרָ֑א וֺאֶל־אֲ֝דֹנָ֗י אֶתְחַנָּֽן׃
מַה־בֶּ֥צַע בֺּדָמִי֮ בֺּרִדְתִּ֪י אֶ֫ל־שָׁ֥חַת הֲיוֹדֺךָ֥ עָפָ֑ר הֲיַגִּ֥יד אֲמִתֶּֽךָ׃
שֺׁמַע־יהו֥ה וֺחׇנֵּ֑נִי י֝הוה הֱֽיֵה־עֹזֵ֥ר לִֽי׃
הָפַ֣כְתָּ מִסְפֺּדִי֮ לֺמָח֪וֹל לִ֥י פִּתַּ֥חְתָּ שַׂקִּ֑י וַֽתֺּאַזֺּרֵ֥נִי שִׂמְחָֽה׃
לֺמַ֤עַן ׀ יֺזַמֶּרְךָ֣ כָ֭בוֹד וֺלֹ֣א יִדֹּ֑ם יהו֥ה אֱ֝לֹהַ֗י לֺעוֹלָ֥ם אוֹדֶֽךָּ׃
עוד תהלים באתר: ספר תהלים כל הפרקים · תהלים יומי · תהלים בציבור