תהלים פרק מח
כוונת המזמור, שאחר התנבאו על התחלת הגאולה ומלחמת גוג ומגוג וההשקט ממנה, והתהפך כל העמים והמדינות שפה אחת ברורה, אמר שמכל מקום עיקר הקדושה ישוב לירושלים, והיא תהיה לעולם לראש.
שִׁ֥יר מִ֝זְמוֹר לִבְנֵי־קֹֽרַח׃
גָּ֘ד֤וֹל יהו֣ה וּמֺהֻלָּ֣ל מֺאֹ֑ד בֺּעִ֥יר אֱ֝לֹהֵ֗ינוּ הַר־קׇדֺשֽׁוֹ׃
יֺפֵ֥ה נוֹף֮ מֺשׂ֪וֹשׂ כׇּל־הָ֫אָ֥רֶץ הַר־צִ֭יּוֹן יַרְכֺּתֵ֣י צָפ֑וֹן קִ֝רְיַ֗ת מֶ֣לֶךְ רָֽב׃
אֱלֹהִ֥ים בֺּאַרֺמֺנוֹתֶ֗יהָ נוֹדַ֥ע לֺמִשְׂגָּֽב׃
כִּֽי־הִנֵּ֣ה הַ֭מֺּלָכִים נֽוֹעֲד֑וּ עָבֺר֥וּ יַחְדָּֽו׃
הֵ֣מָּה רָ֭אוּ כֵּ֣ן תָּמָ֑הוּ נִבְהֲל֥וּ נֶחְפָּֽזוּ׃
רֺ֭עָדָה אֲחָזָ֣תַם שָׁ֑ם חִ֝֗יל כַּיּוֹלֵֽדָה׃
בֺּר֥וּחַ קָדִ֑ים תֺּ֝שַׁבֵּ֗ר אֳנִיּ֥וֹת תַּרְשִֽׁישׁ׃
כַּאֲשֶׁ֤ר שָׁמַ֨עְנוּ ׀ כֵּ֤ן רָאִ֗ינוּ בֺּעִיר־יהו֣ה צֺ֭בָאוֹת בֺּעִ֣יר אֱלֹהֵ֑ינוּ אֱלֹ֘הִ֤ים יֺכוֹנֺנֶ֖הָ עַד־עוֹלָ֣ם סֶֽלָה׃
דִּמִּ֣ינוּ אֱלֹהִ֣ים חַסְדֶּ֑ךָ בֺּ֝קֶ֗רֶב הֵיכָלֶֽךָ׃
כֺּשִׁמְךָ֤ אֱלֹהִ֗ים כֵּ֣ן תֺּ֭הִלָּתֺךָ עַל־קַצְוֵי־אֶ֑רֶץ צֶ֝֗דֶק מָלֺאָ֥ה יֺמִינֶֽךָ׃
יִשְׂמַ֤ח ׀ הַר־צִיּ֗וֹן תָּ֭גֵלְנָה בֺּנ֣וֹת יֺהוּדָ֑ה לֺ֝מַ֗עַן מִשְׁפָּטֶֽיךָ׃
סֹ֣בּוּ צִ֭יּוֹן וֺהַקִּיפ֑וּהָ סִ֝פְר֗וּ מִגְדָּלֶֽיהָ׃
שִׁ֤יתוּ לִבֺּכֶ֨ם ׀ לֺֽחֵילָ֗ה פַּסֺּג֥וּ אַרֺמֺנוֹתֶ֑יהָ לֺמַ֥עַן תֺּ֝סַפֺּר֗וּ לֺד֣וֹר אַחֲרֽוֹן׃
כִּ֤י זֶ֨ה ׀ אֱלֹהִ֣ים אֱ֭לֹהֵינוּ עוֹלָ֣ם וָעֶ֑ד ה֖וּא יֺנַהֲגֵ֣נוּ עַל־מֽוּת׃
עוד תהלים באתר: ספר תהלים כל הפרקים · תהלים יומי · תהלים בציבור