תהלים פרק נ
כוונת המזמור להוכיח בני דורו ולהתרותם מאשר יקרה אתהם באחרית הימים, כאומרו בנבואת יואל (ד, א-ב): "בימים ההמה ובעת ההיא... אשיב את שבות יהודה וירושלם. וקבצתי את כל הגויים והורדתים אל עמק יהושפט ונשפטתי עמם שם".
מִזְמ֗וֹר לֺאָ֫סָ֥ף אֵ֤ל ׀ אֱֽלֹהִ֡ים יֽהו֗ה דִּבֶּ֥ר וַיִּקְרָא־אָ֑רֶץ מִמִּזְרַח־שֶׁ֝֗מֶשׁ עַד־מֺבֹאֽוֹ׃
מִצִּיּ֥וֹן מִכְלַל־יֹ֗פִי אֱלֹהִ֥ים הוֹפִֽיעַ׃
יָ֤בֹ֥א אֱלֹהֵ֗ינוּ וֺֽאַל־יֶ֫חֱרַ֥שׁ אֵשׁ־לֺפָנָ֥יו תֹּאכֵ֑ל וּ֝סְבִיבָ֗יו נִשְׂעֲרָ֥ה מֺאֹֽד׃
יִקְרָ֣א אֶל־הַשָּׁמַ֣יִם מֵעָ֑ל וֺאֶל־הָ֝אָ֗רֶץ לָדִ֥ין עַמּֽוֹ׃
אִסְפוּ־לִ֥י חֲסִידָ֑י כֹּרֺתֵ֖י בֺרִיתִ֣י עֲלֵי־זָֽבַח׃
וַיַּגִּ֣ידוּ שָׁמַ֣יִם צִדְק֑וֹ כִּֽי־אֱלֹהִ֓ים ׀ שֹׁפֵ֖ט ה֣וּא סֶֽלָה׃
שִׁמְעָ֤ה עַמִּ֨י ׀ וַאֲדַבֵּ֗רָה יִ֭שְׂרָאֵל וֺאָעִ֣ידָה בָּ֑ךְ אֱלֹהִ֖ים אֱלֹהֶ֣יךָ אָנֹֽכִי׃
לֹ֣א עַל־זֺ֭בָחֶיךָ אוֹכִיחֶ֑ךָ וֺעוֹלֹתֶ֖יךָ לֺנֶגְדִּ֣י תָמִֽיד׃
לֹא־אֶקַּ֣ח מִבֵּיתְךָ֣ פָ֑ר מִ֝מִּכְלֺאֹתֶ֗יךָ עַתּוּדִֽים׃
כִּי־לִ֥י כׇל־חַיְתוֹ־יָ֑עַר בֺּ֝הֵמ֗וֹת בֺּהַרֺרֵי־אָֽלֶף׃
יָ֭דַעְתִּי כׇּל־ע֣וֹף הָרִ֑ים וֺזִ֥יז שָׂ֝דַ֗י עִמָּדִֽי׃
אִם־אֶ֭רְעַב לֹא־אֹ֣מַר לָ֑ךְ כִּי־לִ֥י תֵ֝בֵ֗ל וּמְלֹאָֽהּ׃
הַֽ֭אוֹכַל בֺּשַׂ֣ר אַבִּירִ֑ים וֺדַ֖ם עַתּוּדִ֣ים אֶשְׁתֶּֽה׃
זֺבַ֣ח לֵאלֹהִ֣ים תּוֹדָ֑ה וֺשַׁלֵּ֖ם לֺעֶלְי֣וֹן נֺדָרֶֽיךָ׃
וּ֭קְרָאֵנִי בֺּי֣וֹם צָרָ֑ה אֲ֝חַלֶּצְךָ֗ וּֽתֺכַבֺּדֵֽנִי׃
וֺלָ֤רָשָׁ֨ע ׀ אָ֘מַ֤ר אֱלֹהִ֗ים מַה־לֺּ֭ךָ לֺסַפֵּ֣ר חֻקָּ֑י וַתִּשָּׂ֖א בֺרִיתִ֣י עֲלֵי־פִֽיךָ׃
וֺ֭אַתָּה שָׂנֵ֣אתָ מוּסָ֑ר וַתַּשְׁלֵ֖ךְ דֺּבָרַ֣י אַחֲרֶֽיךָ׃
אִם־רָאִ֣יתָ גַ֭נָּב וַתִּ֣רֶץ עִמּ֑וֹ וֺעִ֖ם מֺנָאֲפִ֣ים חֶלְקֶֽךָ׃
פִּ֭יךָ שָׁלַ֣חְתָּ בֺרָעָ֑ה וּ֝לְשׁוֹנֺךָ֗ תַּצְמִ֥יד מִרְמָֽה׃
תֵּ֭שֵׁב בֺּאָחִ֣יךָ תֺדַבֵּ֑ר בֺּבֶֽן־אִ֝מֺּךָ֗ תִּתֶּן־דֹּֽפִי׃
אֵ֤לֶּה עָשִׂ֨יתָ ׀ וֺֽהֶחֱרַ֗שְׁתִּי דִּמִּ֗יתָ הֱֽיוֹת־אֶֽהְיֶ֥ה כָמ֑וֹךָ אוֹכִיחֲךָ֖ וֺאֶֽעֶרְכָ֣ה לֺעֵינֶֽיךָ׃
בִּֽינוּ־נָ֣א זֹ֭את שֹׁכֺחֵ֣י אֱל֑וֹהַּ פֶּן־אֶ֝טְרֹ֗ף וֺאֵ֣ין מַצִּֽיל׃
זֹבֵ֥חַ תּוֹדָ֗ה יֺֽכַ֫בֺּדָ֥נֺנִי וֺשָׂ֥ם דֶּ֑רֶךְ אַ֝רְאֶ֗נּוּ בֺּיֵ֣שַׁע אֱלֹהִֽים׃
עוד תהלים באתר: ספר תהלים כל הפרקים · תהלים יומי · תהלים בציבור