תהלים פרק סא

כוונת המזמור אינה על דבר ידוע, אבל שהיה מתפלל על שלוותו והארכת מלכותו, ומודה לפניו על שזיכהו להעמיד המלכות בידו.

לַמְנַצֵּ֬חַ ׀ עַֽל־נֺגִינַ֬ת לֺדָוִֽד׃

שִׁמְעָ֣ה אֱ֭לֹהִים רִנָּתִ֑י הַ֝קְשִׁ֗יבָה תֺּפִלָּתִֽי׃

מִקְצֵ֤ה הָאָ֨רֶץ ׀ אֵלֶ֣יךָ אֶ֭קְרָא בַּעֲטֹ֣ף לִבִּ֑י בֺּצוּר־יָר֖וּם מִמֶּ֣נִּי תַנְחֵֽנִי׃

כִּֽי־הָיִ֣יתָ מַחְסֶ֣ה לִ֑י מִגְדַּל־עֹ֝֗ז מִפֺּנֵ֥י אוֹיֵֽב׃

אָג֣וּרָה בֺ֭אׇהׇלֺךָ עוֹלָמִ֑ים אֶֽחֱסֶ֨ה בֺסֵ֖תֶר כֺּנָפֶ֣יךָ סֶּֽלָה׃

כִּֽי־אַתָּ֣ה אֱ֭לֹהִים שָׁמַ֣עְתָּ לִנְדָרָ֑י נָתַ֥תָּ יֺ֝רֻשַּׁ֗ת יִרְאֵ֥י שֺׁמֶֽךָ׃

יָמִ֣ים עַל־יֺמֵי־מֶ֣לֶךְ תּוֹסִ֑יף שֺׁ֝נוֹתָ֗יו כֺּמוֹ־דֹ֥ר וָדֹֽר׃

יֵשֵׁ֣ב ע֭וֹלָם לִפְנֵ֣י אֱלֹהִ֑ים חֶ֥סֶד וֶ֝אֱמֶ֗ת מַ֣ן יִנְצֺרֻֽהוּ׃

כֵּ֤ן אֲזַמֺּרָ֣ה שִׁמְךָ֣ לָעַ֑ד לֺֽשַׁלֺּמִ֥י נֺדָרַ֗י י֣וֹם ׀ יֽוֹם׃