תהלים פרק עא
אין בו פתיחה במילת ׳מזמור׳ או במילת ׳למנצח׳, ונראה שאמרוֹ תכף למזמור שלפניו וסמך עליו. וכוונת המזמור – יש מפרשים, שאמרו דוד על עצמו בצרותיו; אם על שאול, וקראו "רשע", "מעֵּוֵל וחומץ" (להלן, ד); אם על אבשלום, וקרא כן אבשלום או אחיתופל. ועיקר הדברים ייראה, שנאמר על צרת הגלות.
בֺּךָֽ־יהו֥ה חָסִ֑יתִי אַל־אֵב֥וֹשָׁה לֺעוֹלָֽם׃
בֺּצִדְקָתֺךָ֗ תַּצִּילֵ֥נִי וּֽתֺפַלֺּטֵ֑נִי הַטֵּֽה־אֵלַ֥י אׇ֝זֺנְךָ֗ וֺהוֹשִׁיעֵֽנִי׃
הֱיֵ֤ה לִ֨י ׀ לֺצ֥וּר מָע֡וֹן לָב֗וֹא תָּמִ֗יד צִוִּ֥יתָ לֺהוֹשִׁיעֵ֑נִי כִּֽי־סַלְעִ֖י וּמְצוּדָתִ֣י אָֽתָּה׃
אֱֽלֹהַ֗י פַּ֭לֺּטֵנִי מִיַּ֣ד רָשָׁ֑ע מִכַּ֖ף מֺעַוֵּ֣ל וֺחוֹמֵץ׃
כִּֽי־אַתָּ֥ה תִקְוָתִ֑י אֲדֹנָ֥י יְ֝הוִ֗ה מִבְטַחִ֥י מִנֺּעוּרָֽי׃
עָלֶ֤יךָ ׀ נִסְמַ֬כְתִּי מִבֶּ֗טֶן מִמֺּעֵ֣י אִ֭מִּי אַתָּ֣ה גוֹזִ֑י בֺּךָ֖ תֺהִלָּתִ֣י תָמִֽיד׃
כֺּ֭מוֹפֵת הָיִ֣יתִי לֺרַבִּ֑ים וֺ֝אַתָּ֗ה מַֽחֲסִי־עֹֽז׃
יִמָּ֣לֵא פִ֭י תֺּהִלָּתֶ֑ךָ כׇּל־הַ֝יּ֗וֹם תִּפְאַרְתֶּֽךָ׃
אַֽל־תַּ֭שְׁלִיכֵנִי לֺעֵ֣ת זִקְנָ֑ה כִּכְל֥וֹת כֹּ֝חִ֗י אַֽל־תַּעַזְבֵֽנִי׃
כִּֽי־אָמֺר֣וּ אוֹיֺבַ֣י לִ֑י וֺשֹׁמֺרֵ֥י נַ֝פְשִׁ֗י נוֹעֲצ֥וּ יַחְדָּֽו׃
לֵ֭אמֹר אֱלֹהִ֣ים עֲזָב֑וֹ רִֽדְפ֥וּ וֺ֝תִפְשׂ֗וּהוּ כִּי־אֵ֥ין מַצִּֽיל׃
אֱ֭לֹהִים אַל־תִּרְחַ֣ק מִמֶּ֑נִּי אֱ֝לֹהַ֗י לֺעֶזְרָ֥תִי חֽוּשָׁה׃
יֵבֹ֣שׁוּ יִכְלוּ֮ שֹׂטֺנֵ֪י נַ֫פְשִׁ֥י יַֽעֲט֣וּ חֶ֭רְפָּה וּכְלִמָּ֑ה מֺ֝בַקְשֵׁ֗י רָעָתִֽי׃
וַ֭אֲנִי תָּמִ֣יד אֲיַחֵ֑ל וֺ֝הוֹסַפְתִּ֗י עַל־כׇּל־תֺּהִלָּתֶֽךָ׃
פִּ֤י ׀ יֺסַפֵּ֬ר צִדְקָתֶ֗ךָ כׇּל־הַיּ֥וֹם תֺּשׁוּעָתֶ֑ךָ כִּ֤י לֹ֖א יָדַ֣עְתִּי סֺפֹרֽוֹת׃
אָב֗וֹא בִּ֭גְבֻרוֹת אֲדֹנָ֣י יְהוִ֑ה אַזְכִּ֖יר צִדְקָתֺךָ֣ לֺבַדֶּֽךָ׃
אֱֽלֹהִ֗ים לִמַּדְתַּ֥נִי מִנֺּעוּרָ֑י וֺעַד־הֵ֝֗נָּה אַגִּ֥יד נִפֺלֺאוֹתֶֽיךָ׃
וֺגַ֤ם עַד־זִקְנָ֨ה ׀ וֺשֵׂיבָה֮ אֱלֹהִ֪ים אַֽל־תַּעַ֫זְבֵ֥נִי עַד־אַגִּ֣יד זֺרוֹעֲךָ֣ לֺד֑וֹר לֺכׇל־יָ֝ב֗וֹא גֺּבוּרָתֶֽךָ׃
וֺצִדְקָתֺךָ֥ אֱלֹהִ֗ים עַד־מָ֫ר֥וֹם אֲשֶׁר־עָשִׂ֥יתָ גֺדֹל֑וֹת אֱ֝לֹהִ֗ים מִ֣י כָמֽוֹךָ׃
אֲשֶׁ֤ר הִרְאִיתַ֨נִי ׀ צָר֥וֹת רַבּ֗וֹת וֺרָ֫ע֥וֹת תָּשׁ֥וּב תֺּחַיֵּ֑ינִי וּֽמִתֺּהוֹמ֥וֹת הָ֝אָ֗רֶץ תָּשׁ֥וּב תַּעֲלֵֽנִי׃
תֶּ֤רֶב ׀ גֺּֽדֻלָּתִ֗י וֺתִסֹּ֥ב תֺּֽנַחֲמֵֽנִי׃
גַּם־אֲנִ֤י ׀ אוֹדֺךָ֣ בִכְלִי־נֶבֶל֮ אֲמִתֺּךָ֪ אֱלֹ֫הָ֥י אֲזַמֺּרָ֣ה לֺךָ֣ בֺכִנּ֑וֹר קֺ֝ד֗וֹשׁ יִשְׂרָאֵֽל׃
תֺּרַנֵּ֣נָּ֣ה שֺׂ֭פָתַי כִּ֣י אֲזַמֺּרָה־לָּ֑ךְ וֺ֝נַפְשִׁ֗י אֲשֶׁ֣ר פָּדִֽיתָ׃
גַּם־לֺשׁוֹנִ֗י כׇּל־הַ֭יּוֹם תֶּהְגֶּ֣ה צִדְקָתֶ֑ךָ כִּי־בֹ֥שׁוּ כִֽי־חָ֝פֺר֗וּ מֺבַקְשֵׁ֥י רָעָתִֽי׃
עוד תהלים באתר: ספר תהלים כל הפרקים · תהלים יומי · תהלים בציבור