תהלים פרק עג
כבר ידעת, שנביאים הרבה נבוכו בעניין זה המציאות, בראותם העדר הסידור בין בני אדם בעניין ׳צדיק ורע לו רשע וטוב לו׳. ואסף המשורר האריך בזה על לשון נבואת אורך זה הגלות.
מִזְמ֗וֹר לֺאָ֫סָ֥ף אַ֤ךְ ט֭וֹב לֺיִשְׂרָאֵ֥ל אֱלֹהִ֗ים לֺבָרֵ֥י לֵבָֽב׃
וַאֲנִ֗י כִּ֭מְעַט נָטָ֣יוּ רַגְלָ֑י כֺּ֝אַ֗יִן שֻׁפֺּכ֥וּ אֲשֻׁרָֽי׃
כִּֽי־קִ֭נֵּאתִי בַּֽהוֹלֺלִ֑ים שֺׁל֖וֹם רֺשָׁעִ֣ים אֶרְאֶֽה׃
כִּ֤י אֵ֖ין חַרְצֻבּ֥וֹת לֺמוֹתָ֗ם וּבָרִ֥יא אוּלָֽם׃
בַּעֲמַ֣ל אֱנ֣וֹשׁ אֵינֵ֑מוֹ וֺעִם־אָ֝דָ֗ם לֹ֣א יֺנֻגָּֽעוּ׃
לָ֭כֵן עֲנָקַ֣תְמוֹ גַאֲוָ֑ה יַעֲטׇף־שִׁ֝֗ית חָמָ֥ס לָֽמוֹ׃
יָ֭צָא מֵחֵ֣לֶב עֵינֵ֑מוֹ עָ֝בֺר֗וּ מַשְׂכִּיּ֥וֹת לֵבָֽב׃
יָמִ֤יקוּ ׀ וִידַבֺּר֣וּ בֺרָ֣ע עֹ֑שֶׁק מִמָּר֥וֹם יֺדַבֵּֽרוּ׃
שַׁתּ֣וּ בַשָּׁמַ֣יִם פִּיהֶ֑ם וּ֝לְשׁוֹנָ֗ם תִּֽהֲלַ֥ךְ בָּאָֽרֶץ׃
לָכֵ֤ן ׀ יָשׁ֣וּב עַמּ֣וֹ הֲלֹ֑ם וּמֵ֥י מָ֝לֵ֗א יִמָּ֥צוּ לָֽמוֹ׃
וֺֽאָמֺר֗וּ אֵיכָ֥ה יָדַֽע־אֵ֑ל וֺיֵ֖שׁ דֵּעָ֣ה בֺעֶלְיֽוֹן׃
הִנֵּה־אֵ֥לֶּה רֺשָׁעִ֑ים וֺשַׁלְוֵ֥י ע֝וֹלָ֗ם הִשְׂגּוּ־חָֽיִל׃
אַךְ־רִ֭יק זִכִּ֣יתִי לֺבָבִ֑י וָאֶרְחַ֖ץ בֺּנִקָּי֣וֹן כַּפָּֽי׃
וָאֱהִ֣י נָ֭גוּעַ כׇּל־הַיּ֑וֹם וֺ֝תוֹכַחְתִּ֗י לַבֺּקָרִֽים׃
אִם־אָ֭מַרְתִּי אֲסַפֺּרָ֥ה כֺמ֑וֹ הִנֵּ֤ה ד֭וֹר בָּנֶ֣יךָ בָגָֽדֺתִּי׃
וָֽ֭אֲחַשֺּׁבָה לָדַ֣עַת זֹ֑את עָמָ֖ל ה֣וּא בֺעֵינָֽי׃
עַד־אָ֭בוֹא אֶל־מִקְדֺּשֵׁי־אֵ֑ל אָ֝בִ֗ינָה לֺאַחֲרִיתָֽם׃
אַ֣ךְ בַּ֭חֲלָקוֹת תָּשִׁ֣ית לָ֑מוֹ הִ֝פַּלְתָּ֗ם לֺמַשּׁוּאֽוֹת׃
אֵ֤יךְ הָי֣וּ לֺשַׁמָּ֣ה כֺרָ֑גַע סָ֥פוּ תַ֝֗מּוּ מִן־בַּלָּהֽוֹת׃
כַּחֲל֥וֹם מֵהָקִ֑יץ אֲ֝דֹנָי בָּעִ֤יר ׀ צַלְמָ֬ם תִּבְזֶֽה׃
כִּ֭י יִתְחַמֵּ֣ץ לֺבָבִ֑י וֺ֝כִלְיוֹתַ֗י אֶשְׁתּוֹנָֽן׃
וַאֲנִי־בַ֭עַר וֺלֹ֣א אֵדָ֑ע בֺּ֝הֵמ֗וֹת הָיִ֥יתִי עִמָּֽךְ׃
וַאֲנִ֣י תָמִ֣יד עִמָּ֑ךְ אָ֝חַ֗זְתָּ בֺּיַד־יֺמִינִֽי׃
בַּעֲצָתֺךָ֥ תַנְחֵ֑נִי וֺ֝אַחַ֗ר כָּב֥וֹד תִּקָּחֵֽנִי׃
מִי־לִ֥י בַשָּׁמָ֑יִם וֺ֝עִמֺּךָ֗ לֹא־חָפַ֥צְתִּי בָאָֽרֶץ׃
כָּלָ֥ה שֺׁאֵרִ֗י וּלְבָ֫בִ֥י צוּר־לֺבָבִ֥י וֺחֶלְקִ֗י אֱלֹהִ֥ים לֺעוֹלָֽם׃
כִּֽי־הִנֵּ֣ה רֺחֵקֶ֣יךָ יֹאבֵ֑דוּ הִ֝צְמַ֗תָּה כׇּל־זוֹנֶ֥ה מִמֶּֽךָּ׃
וַאֲנִ֤י ׀ קִֽרֲבַ֥ת אֱלֹהִ֗ים לִ֫י־ט֥וֹב שַׁתִּ֤י ׀ בַּאדֹנָ֣י יְהֹוִ֣ה מַחְסִ֑י לֺ֝סַפֵּ֗ר כׇּל־מַלְאֲכוֹתֶֽיךָ׃
עוד תהלים באתר: ספר תהלים כל הפרקים · תהלים יומי · תהלים בציבור