תהלים פרק עה
זה המזמור, ייראה שעניינו נאמר על תכיפת הצרות בעת קירוב הגאולה. וזהו עניין "אל תשחת", כי לרוב תכיפת הצרות שתהיה באותו הזמן, ייבהלו כל בני ישראל ותאחזם רעדה ופחד, ולזה מקדים דרך כלל תפילה ותחינה לאל, שלא ישחית, רוצה לומר: שלא ייהרגו מהם רבים במלחמה.
לַמְנַצֵּ֥חַ אַל־תַּשְׁחֵ֑ת מִזְמ֖וֹר לֺאָסָ֣ף שִֽׁיר׃
ה֘וֹדִ֤ינוּ לֺּךָ֨ ׀ אֱֽלֹהִ֗ים ה֭וֹדִינוּ וֺקָר֣וֹב שֺׁמֶ֑ךָ סִ֝פֺּר֗וּ נִפֺלֺאוֹתֶֽיךָ׃
כִּ֭י אֶקַּ֣ח מוֹעֵ֑ד אֲ֝נִ֗י מֵישָׁרִ֥ים אֶשְׁפֹּֽט׃
נֺֽמוֹגִ֗ים אֶ֥רֶץ וֺכׇל־יֹשֺׁבֶ֑יהָ אָנֹכִ֨י תִכַּ֖נְתִּי עַמּוּדֶ֣יהָ סֶּֽלָה׃
אָמַ֣רְתִּי לַֽ֭הוֹלֺלִים אַל־תָּהֹ֑לּוּ וֺ֝לָרֺשָׁעִ֗ים אַל־תָּרִ֥ימוּ קָֽרֶן׃
אַל־תָּרִ֣ימוּ לַמָּר֣וֹם קַרְנֺכֶ֑ם תֺּדַבֺּר֖וּ בֺצַוָּ֣אר עָתָֽק׃
כִּ֤י לֹ֣א מִ֭מּוֹצָא וּמִֽמַּעֲרָ֑ב וֺ֝לֹ֗א מִמִּדְבַּ֥ר הָרִֽים׃
כִּֽי־אֱלֹהִ֥ים שֹׁפֵ֑ט זֶ֥ה יַ֝שְׁפִּ֗יל וֺזֶ֣ה יָרִֽים׃
כִּ֤י כ֪וֹס בֺּֽיַד־יהו֡ה וֺיַ֤יִן חָמַ֨ר ׀ מָ֥לֵא מֶסֶךְ֮ וַיַּגֵּ֪ר מִ֫זֶּ֥ה אַךְ־שֺׁ֭מָרֶיהָ יִמְצ֣וּ יִשְׁתּ֑וּ כֹּ֝֗ל רִשְׁעֵי־אָֽרֶץ׃
וַ֭אֲנִי אַגִּ֣יד לֺעֹלָ֑ם אֲ֝זַמֺּרָ֗ה לֵאלֹהֵ֥י יַעֲקֹֽב׃
וֺכׇל־קַרְנֵ֣י רֺשָׁעִ֣ים אֲגַדֵּ֑עַ תֺּ֝רוֹמַ֗מְנָה קַֽרְנ֥וֹת צַדִּֽיק׃
עוד תהלים באתר: ספר תהלים כל הפרקים · תהלים יומי · תהלים בציבור