תהלים פרק צט
כוונת המזמור גם כן לזמן המשיח. ואף על פי שאמר למעלה "תגל הארץ" (תהלים צז, א), הכוונה, אחר הניצוח ושבירת המלחמות. אבל כאן רמז על מלחמת גוג מגוג, ולכן "ירגזו עמים" – מפחדם.
יהו֣ה מָ֭לָךְ יִרֺגֺּז֣וּ עַמִּ֑ים יֹשֵׁ֥ב כֺּ֝רוּבִ֗ים תָּנ֥וּט הָאָֽרֶץ׃
י֭הוה בֺּצִיּ֣וֹן גָּד֑וֹל וֺרָ֥ם ה֝֗וּא עַל־כׇּל־הָֽעַמִּֽים׃
יוֹד֣וּ שִׁ֭מְךָ גָּד֥וֹל וֺנוֹרָ֗א קָד֥וֹשׁ הֽוּא׃
וֺעֹ֥ז מֶלֶךְ֮ מִשְׁפָּ֪ט אָ֫הֵ֥ב אַ֭תָּה כּוֹנַ֣נְתָּ מֵישָׁרִ֑ים מִשְׁפָּ֥ט וּ֝צְדָקָ֗ה בֺּיַעֲקֹ֤ב ׀ אַתָּ֬ה עָשִֽׂיתָ׃
רֽוֹמֺמ֡וּ יה֘ו֤ה אֱלֹהֵ֗ינוּ וֺֽ֭הִשְׁתַּחֲווּ לַהֲדֹ֥ם רַגְלָ֗יו קָד֥וֹשׁ הֽוּא׃
מֹ֘שֶׁ֤ה וֺאַהֲרֹ֨ן ׀ בֺּֽכֹהֲנָ֗יו וּ֭שְׁמוּאֵל בֺּקֹרֺאֵ֣י שֺׁמ֑וֹ קֹרִ֥אים אֶל־י֝הו֗ה וֺה֣וּא יַעֲנֵֽם׃
בֺּעַמּ֣וּד עָ֭נָן יֺדַבֵּ֣ר אֲלֵיהֶ֑ם שָׁמֺר֥וּ עֵ֝דֹתָ֗יו וֺחֹ֣ק נָֽתַן־לָֽמוֹ׃
יהו֣ה אֱלֹהֵינוּ֮ אַתָּ֪ה עֲנִ֫יתָ֥ם אֵ֣ל נֹ֭שֵׂא הָיִ֣יתָ לָהֶ֑ם וֺ֝נֹקֵ֗ם עַל־עֲלִילוֹתָֽם׃
רֽוֹמֺמ֡וּ יה֘ו֤ה אֱלֹהֵ֗ינוּ וֺ֭הִֽשְׁתַּחֲווּ לֺהַ֣ר קׇדְשׁ֑וֹ כִּֽי־קָ֝ד֗וֹשׁ יהו֥ה אֱלֹהֵֽינוּ׃
עוד תהלים באתר: ספר תהלים כל הפרקים · תהלים יומי · תהלים בציבור