Tehillim/Psalm 107
נראה לי שזה המזמור נאמר בנבואה על הגאולה מזה הגלות הארוך, שאנחנו בו בצרות גדולות. והזכיר בו ארבעה מיני צרות: הראשונה, הליכה בשבי בארץ מרחקים תמיד דרך מדבר וארץ חרֵבה, וסובלים רעב וצמא; והשנייה, היותו נלכד בשחיתֹות מאסר; והשלישית, היותו מדוכא בחוליים; והרביעית, ההליכה בשבי גם כן דרך ים, וסובלים צער הים והמון גליו. ורוב הצרות נכללות באלו, והכוונה בהם, שהם מעונים בכל מיני הצרות. וכשיגאלם האל יינצלו מכל זה ויודו לה׳ ויפרסמו נפלאותיו לבני אדם, וישובו לארצם החרֵבה ויכוננו בה ערי מושב, ויצליחו בה בכל מיני הצלחות. ומלאה הארץ דעה כאשר ישלימו עצמם בכל מיני שלמות.
הֹד֣וּ לַיהו֣ה כִּי־ט֑וֹב כִּ֖י לֺעוֹלָ֣ם חַסְדּֽוֹ׃
יֹ֭אמֺרוּ גֺּאוּלֵ֣י יהו֑ה אֲשֶׁ֥ר גֺּ֝אָלָ֗ם מִיַּד־צָֽר׃
וּֽמֵאֲרָצ֗וֹת קִ֫בֺּצָ֥ם מִמִּזְרָ֥ח וּמִֽמַּעֲרָ֑ב מִצָּפ֥וֹן וּמִיָּֽם׃
תָּע֣וּ בַ֭מִּדְבָּר בִּישִׁימ֣וֹן דָּ֑רֶךְ עִ֥יר מ֝וֹשָׁ֗ב לֹ֣א מָצָֽאוּ׃
רֺעֵבִ֥ים גַּם־צֺמֵאִ֑ים נַ֝פְשָׁ֗ם בָּהֶ֥ם תִּתְעַטָּֽף׃
וַיִּצְעֲק֣וּ אֶל־י֭הוה בַּצַּ֣ר לָהֶ֑ם מִ֝מֺּצֽוּקוֹתֵיהֶ֗ם יַצִּילֵֽם׃
וַ֭יַּֽדְרִיכֵם בֺּדֶ֣רֶךְ יֺשָׁרָ֑ה לָ֝לֶ֗כֶת אֶל־עִ֥יר מוֹשָֽׁב׃
יוֹד֣וּ לַיהו֣ה חַסְדּ֑וֹ וֺ֝נִפְלֺאוֹתָ֗יו לִבְנֵ֥י אָדָֽם׃
כִּי־הִ֭שְׂבִּיעַ נֶ֣פֶשׁ שֹׁקֵקָ֑ה וֺנֶ֥פֶשׁ רֺ֝עֵבָה מִלֵּא־טֽוֹב׃
יֹ֭שֺׁבֵי חֹ֣שֶׁךְ וֺצַלְמָ֑וֶת אֲסִירֵ֖י עֳנִ֣י וּבַרְזֶֽל׃
כִּֽי־הִמְר֥וּ אִמְרֵי־אֵ֑ל וַעֲצַ֖ת עֶלְי֣וֹן נָאָֽצוּ׃
וַיַּכְנַ֣ע בֶּעָמָ֣ל לִבָּ֑ם כָּ֝שֺׁל֗וּ וֺאֵ֣ין עֹזֵֽר׃
וַיִּזְעֲק֣וּ אֶל־י֭הוה בַּצַּ֣ר לָהֶ֑ם מִ֝מֺּצֻֽקוֹתֵיהֶ֗ם יוֹשִׁיעֵֽם׃
יֽ֭וֹצִיאֵם מֵחֹ֣שֶׁךְ וֺצַלְמָ֑וֶת וּמוֹסֺר֖וֹתֵיהֶ֣ם יֺנַתֵּֽק׃
יוֹד֣וּ לַיהו֣ה חַסְדּ֑וֹ וֺ֝נִפְלֺאוֹתָ֗יו לִבְנֵ֥י אָדָֽם׃
כִּֽי־שִׁ֭בַּר דַּלְת֣וֹת נֺחֹ֑שֶׁת וּבְרִיחֵ֖י בַרְזֶ֣ל גִּדֵּֽעַ׃
אֱ֭וִלִים מִדֶּ֣רֶךְ פִּשְׁעָ֑ם וּֽ֝מֵעֲוֹֽנֹתֵיהֶ֗ם יִתְעַנּֽוּ׃
כׇּל־אֹ֭כֶל תֺּתַעֵ֣ב נַפְשָׁ֑ם וַ֝יַּגִּ֗יעוּ עַד־שַׁ֥עֲרֵי מָֽוֶת׃
וַיִּזְעֲק֣וּ אֶל־י֭הוה בַּצַּ֣ר לָהֶ֑ם מִ֝מֺּצֻֽקוֹתֵיהֶ֗ם יוֹשִׁיעֵֽם׃
יִשְׁלַ֣ח דֺּ֭בָרוֹ וֺיִרְפָּאֵ֑ם וִֽ֝ימַלֵּ֗ט מִשֺּׁחִיתוֹתָֽם׃
יוֹד֣וּ לַיהו֣ה חַסְדּ֑וֹ וֺ֝נִפְלֺאוֹתָ֗יו לִבְנֵ֥י אָדָֽם׃
וֺ֭יִזְבֺּחוּ זִבְחֵ֣י תוֹדָ֑ה וִֽיסַפֺּר֖וּ מַעֲשָׂ֣יו בֺּרִנָּֽה׃
יוֹרֺדֵ֣י הַ֭יָּם בׇּאֳנִיּ֑וֹת עֹשֵׂ֥י מֺ֝לָאכָ֗ה בֺּמַ֣יִם רַבִּֽים׃
הֵ֣מָּה רָ֭אוּ מַעֲשֵׂ֣י יהו֑ה וֺ֝נִפְלֺאוֹתָ֗יו בִּמְצוּלָֽה׃
וַיֹּ֗אמֶר וַֽ֭יַּעֲמֵד ר֣וּחַ סֺעָרָ֑ה וַתֺּרוֹמֵ֥ם גַּלָּֽיו׃
יַעֲל֣וּ שָׁ֭מַיִם יֵרֺד֣וּ תֺהוֹמ֑וֹת נַ֝פְשָׁ֗ם בֺּרָעָ֥ה תִתְמוֹגָֽג׃
יָח֣וֹגּוּ וֺ֭יָנוּעוּ כַּשִּׁכּ֑וֹר וֺכׇל־חׇ֝כְמָתָ֗ם תִּתְבַּלָּֽע׃
וַיִּצְעֲק֣וּ אֶל־י֭הוה בַּצַּ֣ר לָהֶ֑ם וּֽ֝מִמֺּצֽוּקֹתֵיהֶ֗ם יוֹצִיאֵֽם׃
יָקֵ֣ם סֺ֭עָרָה לִדְמָמָ֑ה וַ֝יֶּחֱשׁ֗וּ גַּלֵּיהֶֽם׃
וַיִּשְׂמֺח֥וּ כִֽי־יִשְׁתֹּ֑קוּ וַ֝יַּנְחֵ֗ם אֶל־מֺח֥וֹז חֶפְצָֽם׃
יוֹד֣וּ לַיהו֣ה חַסְדּ֑וֹ וֺ֝נִפְלֺאוֹתָ֗יו לִבְנֵ֥י אָדָֽם׃
וִֽ֭ירוֹמֺמוּהוּ בִּקְהַל־עָ֑ם וּבֺמוֹשַׁ֖ב זֺקֵנִ֣ים יֺהַלֺלֽוּהוּ׃
יָשֵׂ֣ם נֺהָר֣וֹת לֺמִדְבָּ֑ר וּמֹצָ֥אֵי מַ֝֗יִם לֺצִמָּאֽוֹן׃
אֶ֣רֶץ פֺּ֭רִי לִמְלֵחָ֑ה מֵ֝רָעַ֗ת י֣וֹשֺׁבֵי בָֽהּ׃
יָשֵׂ֣ם מִ֭דְבָּר לַֽאֲגַם־מַ֑יִם וֺאֶ֥רֶץ צִ֝יָּ֗ה לֺמֹצָ֥אֵי מָֽיִם׃
וַיּ֣וֹשֶׁב שָׁ֣ם רֺעֵבִ֑ים וַ֝יְכוֹנֺנ֗וּ עִ֣יר מוֹשָֽׁב׃
וַיִּזְרֺע֣וּ שָׂ֭דוֹת וַיִּטֺּע֣וּ כֺרָמִ֑ים וַ֝יַּעֲשׂ֗וּ פֺּרִ֣י תֺבֽוּאָה׃
וַיְבָרֲכֵ֣ם וַיִּרְבּ֣וּ מֺאֹ֑ד וּ֝בְהֶמְתָּ֗ם לֹ֣א יַמְעִֽיט׃
וַיִּמְעֲט֥וּ וַיָּשֹׁ֑חוּ מֵעֹ֖צֶר רָעָ֣ה וֺיָגֽוֹן׃
שֹׁפֵ֣ךְ בּ֭וּז עַל־נֺדִיבִ֑ים וַ֝יַּתְעֵ֗ם בֺּתֹ֣הוּ לֹא־דָֽרֶךְ׃
וַיְשַׂגֵּ֣ב אֶבְי֣וֹן מֵע֑וֹנִי וַיָּ֥שֶׂם כַּ֝צֹּ֗אן מִשְׁפָּחֽוֹת׃
יִרְא֣וּ יֺשָׁרִ֣ים וֺיִשְׂמָ֑חוּ וֺכׇל־עַ֝וְלָ֗ה קָ֣פֺצָה פִּֽיהָ׃
מִי־חָכָ֥ם וֺיִשְׁמׇר־אֵ֑לֶּה וֺ֝יִתְבּֽוֹנֺנ֗וּ חַֽסְדֵ֥י יהוֽה׃
More Tehillim on this site: The Book of Tehillim – All 150 Psalms · Daily Tehillim · Communal Tehillim