Tehillim/Psalm 108
זה המזמור כבר נאמר כולו פעם אחרת בספר זה. קצת הפסוקים שבו, והם חמישה פסוקים הראשונים – במזמור נז (ח-יב), ושאר המזמור והם שמונה פסוקים הנשארים – בסוף מזמור ס (יב-יד). אין ביניהם חילוף בעניין, רק בחילוף קצת התיבות. וכבר נזכר במזמור נז שהוא נאמר "בברחו מפני שאול במערה" (פסוק א), ובמזמור ס נזכר שהוא נאמר "בהצותו את ארם נהרים ואת ארם צובה" (פסוק ב). ומכל מקום פירשו בו קצת מפרשים שזה שחזר אותו המזמור הֵנָּה, הוא שפע נבואי העירוֹ לזָכרו על זה הגלות. ואף על פי שהלשון אחד, נשתנה הֵנָּה בעניין.
שִׁ֖יר מִזְמ֣וֹר לֺדָוִֽד׃
נָכ֣וֹן לִבִּ֣י אֱלֹהִ֑ים אָשִׁ֥ירָה וַ֝אֲזַמֺּרָ֗ה אַף־כֺּבוֹדִֽי׃
ע֭וּרָֽה הַנֵּ֥בֶל וֺכִנּ֗וֹר אָעִ֥ירָה שָּֽׁחַר׃
אוֹדֺךָ֖ בָעַמִּ֥ים ׀ יהו֑ה וַ֝אֲזַמֶּרְךָ֗ בַּל־אֻמִּֽים׃
כִּֽי־גָדֹ֣ל מֵֽעַל־שָׁמַ֣יִם חַסְדֶּ֑ךָ וֺֽעַד־שֺׁחָקִ֥ים אֲמִתֶּֽךָ׃
ר֣וּמָה עַל־שָׁמַ֣יִם אֱלֹהִ֑ים וֺעַ֖ל כׇּל־הָאָ֣רֶץ כֺּבוֹדֶֽךָ׃
לֺ֭מַעַן יֵחָלֺצ֣וּן יֺדִידֶ֑יךָ הוֹשִׁ֖יעָה יֺמִֽינֺךָ֣ וַעֲנֵֽנִי׃
אֱלֹהִ֤ים ׀ דִּבֶּ֥ר בְּקׇדֺשׁ֗וֹ אֶעְלֹ֥זָה אֲחַלֺּקָ֥ה שֺׁכֶ֑ם וֺעֵ֖מֶק סֻכּ֣וֹת אֲמַדֵּֽד׃
לִ֤י גִלְעָ֨ד ׀ לִ֤י מֺנַשֶּׁ֗ה וֺ֭אֶפְרַיִם מָע֣וֹז רֹאשִׁ֑י יֺ֝הוּדָ֗ה מֺחֹקֺקִֽי׃
מוֹאָ֤ב ׀ סִ֬יר רַחְצִ֗י עַל־אֱ֭דוֹם אַשְׁלִ֣יךְ נַעֲלִ֑י עֲלֵֽי־פֺ֝לֶ֗שֶׁת אֶתְרוֹעָֽע׃
מִ֣י יֹ֭בִלֵנִי עִ֣יר מִבְצָ֑ר מִ֖י נָחַ֣נִי עַד־אֱדֽוֹם׃
הֲלֹֽא־אֱלֹהִ֥ים זֺנַחְתָּ֑נוּ וֺֽלֹא־תֵצֵ֥א אֱ֝לֹהִ֗ים בֺּצִבְאֹתֵֽינוּ׃
הָֽבָה־לָּ֣נוּ עֶזְרָ֣ת מִצָּ֑ר וֺ֝שָׁ֗וֺא תֺּשׁוּעַ֥ת אָדָֽם׃
בֵּֽאלֹהִ֥ים נַעֲשֶׂה־חָ֑יִל וֺ֝ה֗וּא יָב֥וּס צָרֵֽינוּ׃
More Tehillim on this site: The Book of Tehillim – All 150 Psalms · Daily Tehillim · Communal Tehillim