Tehillim/Psalm 119
זה המזמור סובבות בו י"ב מילות רומזות על עניין התורה והן: דרך, תורה, עדות, פיקודים, חוקים, מצוות, משפטים, צדק או צדקה, דבר, אִמרה, אורח, נפלאות. וכל אלה הם נאמרים על התורה, אם בכללה אם בפרטיה, עד שאין פסוק שלא מוזכר בו אחד מהם, לבד מעט. עניין המזמור הוא תפילה לאל, להיות מעיר לעזור לנפשו להכין אותה ולסעדה בהשגחת ידיעת דרכיו יתעלה. והיה מודיע רוב חשקו ותאוותו בזה, ודאגתו על הנכלים המטרידים אותו למנעו מזה, והתעוררו, שבכל רשעתם והטרדתם לא יוכלו להטרידו ולהדיחו מזה, אבל שבכל עת עיניו ולבו תמיד להתעסק בעבודת האל ולהידבק בדרכי התורה ובמצוות, אלא שהיה מבקש עזר אלוהי על זה. וכפי שפע רוח ה׳ אשר נוססה בו ומילתו על לשונו, היו דלתי פיו סובבות על צירי התורה והמצוות בכל חלקיהן ובכל פרטיהן, והיה משפיע עצמו בהרבות זכירת שמות בהם בכל מה שהיה רוח פיו גובר להרבות בהם, כמי שנכסף לשבח איזה דבר, שמרבה בזכירת הרבה שבחים בכפל עניין במילות שונות. והמזמור כולו בנוי על סדר אלפא ביתא – למעלתו. וכן הפליג בו לזכור שמונה פסוקים בכל אות ואות – לא ידענו כוונת המניין. ויראה לי, שלרוב כָסְפוֹ ותשוקתו בזה, התעורר לרמוז על שכוונתו לשלול עצמו מכל דבר גופני, שלא להשתמש בו, רק כפי הצורך, כפי מה שיחייבהו ההכנה להעמיד נפשו ולהכניע כל כוחות גופניות לעבודת האל, כמו שרמז באמרו "בכל לבי דרשתיך" (להלן פסוק י), כלומר, שכל כוחות גופי הכנעתי לכך. וידוע שחלקי הגוף הם חמשת החושים, וחלקי הנפש – שלושה: הצומחת והמתאווה והמשכלת. ורמז שכל נתחיו וחלקיו הוא מכניע לעבודת האל.
אַשְׁרֵ֥י תֺמִֽימֵי־דָ֑רֶךְ הַֽ֝הֹלֺכִ֗ים בֺּתוֹרַ֥ת יהוֽה׃
אַ֭שְׁרֵי נֹצֺרֵ֥י עֵדֹתָ֗יו בֺּכׇל־לֵ֥ב יִדְרֺשֽׁוּהוּ׃
אַ֭ף לֹֽא־פָעֲל֣וּ עַוְלָ֑ה בִּדְרָכָ֥יו הָלָֽכוּ׃
אַ֭תָּה צִוִּ֥יתָה פִקֻּדֶ֗יךָ לִשְׁמֹ֥ר מֺאֹֽד׃
אַ֭חֲלַי יִכֹּ֥נוּ דֺרָכָ֗י לִשְׁמֹ֥ר חֻקֶּֽיךָ׃
אָ֥ז לֹא־אֵב֑וֹשׁ בֺּ֝הַבִּיטִ֗י אֶל־כׇּל־מִצְוֹתֶֽיךָ׃
א֭וֹדֺךָ בֺּיֹ֣שֶׁר לֵבָ֑ב בֺּ֝לׇמֺדִ֗י מִשְׁפֺּטֵ֥י צִדְקֶֽךָ׃
אֶת־חֻקֶּ֥יךָ אֶשְׁמֹ֑ר אַֽל־תַּעַזְבֵ֥נִי עַד־מֺאֹֽד׃
בַּמֶּ֣ה יֺזַכֶּה־נַּ֭עַר אֶת־אׇרֺח֑וֹ לִ֝שְׁמֹ֗ר כִּדְבָרֶֽךָ׃
בֺּכׇל־לִבִּ֥י דֺרַשְׁתִּ֑יךָ אַל־תַּ֝שְׁגֵּ֗נִי מִמִּצְוֹתֶֽיךָ׃
בֺּ֭לִבִּי צָפַ֣נְתִּי אִמְרָתֶ֑ךָ לֺ֝מַ֗עַן לֹ֣א אֶֽחֱטָא־לָֽךְ׃
בָּר֖וּךְ אַתָּ֥ה יהו֗ה לַמֺּדֵ֥נִי חֻקֶּֽיךָ׃
בִּשְׂפָתַ֥י סִפַּ֑רְתִּי כֹּ֝֗ל מִשְׁפֺּטֵי־פִֽיךָ׃
בֺּדֶ֖רֶךְ עֵדֺוֹתֶ֥יךָ שַׂ֗שְׂתִּי כֺּעַ֣ל כׇּל־הֽוֹן׃
בֺּפִקּוּדֶ֥יךָ אָשִׂ֑יחָה וֺ֝אַבִּ֗יטָה אֹרֺחֹתֶֽיךָ׃
בֺּחֻקֹּתֶ֥יךָ אֶֽשְׁתַּעֲשָׁ֑ע לֹ֭א אֶשְׁכַּ֣ח דֺּבָרֶֽךָ׃
גֺּמֹ֖ל עַֽל־עַבְדֺּךָ֥ אֶֽחְיֶ֗ה וֺאֶשְׁמְרָ֥ה דֺבָרֶֽךָ׃
גַּל־עֵינַ֥י וֺאַבִּ֑יטָה נִ֝פְלָא֗וֹת מִתּוֹרָתֶֽךָ׃
גֵּ֣ר אָנֹכִ֣י בָאָ֑רֶץ אַל־תַּסְתֵּ֥ר מִ֝מֶּ֗נִּי מִצְוֹתֶֽיךָ׃
גָּרֺסָ֣ה נַפְשִׁ֣י לֺתַאֲבָ֑ה אֶֽל־מִשְׁפָּטֶ֥יךָ בֺכׇל־עֵֽת׃
גָּ֭עַרְתָּ זֵדִ֣ים אֲרוּרִ֑ים הַ֝שֹּׁגִים מִמִּצְוֹתֶֽיךָ׃
גַּ֣ל מֵֽ֭עָלַי חֶרְפָּ֣ה וָב֑וּז כִּ֖י עֵדֹתֶ֣יךָ נָצָֽרֺתִּי׃
גַּ֤ם יָֽשֺׁב֣וּ שָׂ֭רִים בִּ֣י נִדְבָּ֑רוּ עַ֝בְדֺּךָ֗ יָשִׂ֥יחַ בֺּחֻקֶּֽיךָ׃
גַּֽם־עֵ֭דֹתֶיךָ שַׁעֲשֻׁעָ֗י אַנְשֵׁ֥י עֲצָתִֽי׃
דָּֽבֺקָ֣ה לֶעָפָ֣ר נַפְשִׁ֑י חַ֝יֵּ֗נִי כִּדְבָרֶֽךָ׃
דֺּרָכַ֣י סִ֭פַּרְתִּי וַֽתַּעֲנֵ֗נִי לַמֺּדֵ֥נִי חֻקֶּֽיךָ׃
דֶּֽרֶךְ־פִּקּוּדֶ֥יךָ הֲבִינֵ֑נִי וֺ֝אָשִׂ֗יחָה בֺּנִפֺלֺאוֹתֶֽיךָ׃
דָּלֺפָ֣ה נַ֭פְשִׁי מִתּוּגָ֑ה קַ֝יֺּמֵ֗נִי כִּדְבָרֶֽךָ׃
דֶּֽרֶךְ־שֶׁ֭קֶר הָסֵ֣ר מִמֶּ֑נִּי וֺֽתוֹרָתֺךָ֥ חׇנֵּֽנִי׃
דֶּֽרֶךְ־אֱמוּנָ֥ה בָחָ֑רֺתִּי מִשְׁפָּטֶ֥יךָ שִׁוִּֽיתִי׃
דָּבַ֥קְתִּי בֺעֵֽדֺוֹתֶ֑יךָ י֝הו֗ה אַל־תֺּבִישֵֽׁנִי׃
דֶּֽרֶךְ־מִצְוֹתֶ֥יךָ אָר֑וּץ כִּ֖י תַרְחִ֣יב לִבִּֽי׃
הוֹרֵ֣נִי י֭הוה דֶּ֥רֶךְ חֻקֶּ֗יךָ וֺאֶצֺּרֶ֥נָּה עֵֽקֶב׃
הֲ֭בִינֵנִי וֺאֶצֺּרָ֥ה תֽוֹרָתֶ֗ךָ וֺאֶשְׁמְרֶ֥נָּה בֺכׇל־לֵֽב׃
הַ֭דְרִיכֵנִי בִּנְתִ֣יב מִצְוֹתֶ֑יךָ כִּי־ב֥וֹ חָפָֽצְתִּי׃
הַט־לִ֭בִּי אֶל־עֵדֺוֹתֶ֗יךָ וֺאַ֣ל אֶל־בָּֽצַע׃
הַעֲבֵ֣ר עֵ֭ינַי מֵרֺא֣וֹת שָׁ֑וֺא בִּדְרָכֶ֥ךָ חַיֵּֽנִי׃
הָקֵ֣ם לֺ֭עַבְדֺּךָ אִמְרָתֶ֑ךָ אֲ֝שֶׁ֗ר לֺיִרְאָתֶֽךָ׃
הַעֲבֵ֣ר חֶ֭רְפָּתִי אֲשֶׁ֣ר יָגֹ֑רֺתִּי כִּ֖י מִשְׁפָּטֶ֣יךָ טוֹבִֽים׃
הִ֭נֵּה תָּאַ֣בְתִּי לֺפִקֻּדֶ֑יךָ בֺּצִדְקָתֺךָ֥ חַיֵּֽנִי׃
וִֽיבֹאֻ֣נִי חֲסָדֶ֣ךָ יהו֑ה תֺּ֝שֽׁוּעָתֺךָ֗ כֺּאִמְרָתֶֽךָ׃
וֺאֶֽעֱנֶ֣ה חֹרֺפִ֣י דָבָ֑ר כִּֽי־בָ֝טַחְתִּי בִּדְבָרֶֽךָ׃
וֺֽאַל־תַּצֵּ֬ל מִפִּ֣י דֺבַר־אֱמֶ֣ת עַד־מֺאֹ֑ד כִּ֖י לֺמִשְׁפָּטֶ֣ךָ יִחָֽלְתִּי׃
וֺאֶשְׁמְרָ֖ה תוֹרָתֺךָ֥ תָמִ֗יד לֺעוֹלָ֥ם וָעֶֽד׃
וֺאֶתְהַלֺּכָ֥ה בָרֺחָבָ֑ה כִּ֖י פִקֻּדֶ֣יךָ דָרָֽשְׁתִּי׃
וַאֲדַבֺּרָ֣ה בֺ֭עֵדֹתֶיךָ נֶ֥גֶד מֺלָכִ֗ים וֺלֹ֣א אֵבֽוֹשׁ׃
וֺאֶשְׁתַּֽעֲשַׁ֥ע בֺּמִצְוֹתֶ֗יךָ אֲשֶׁ֣ר אָהָֽבְתִּי׃
וֺאֶשָּֽׂא־כַפַּ֗י אֶֽל־מִ֭צְוֹתֶיךָ אֲשֶׁ֥ר אָהָ֗בְתִּי וֺאָשִׂ֥יחָה בֺחֻקֶּֽיךָ׃
זֺכׇר־דָּבָ֥ר לֺעַבְדֶּ֑ךָ עַ֝֗ל אֲשֶׁ֣ר יִֽחַלְתָּֽנִי׃
זֹ֣את נֶחָמָתִ֣י בֺעׇנְיִ֑י כִּ֖י אִמְרָתֺךָ֣ חִיָּֽתֺנִי׃
זֵ֭דִים הֱלִיצֻ֣נִי עַד־מֺאֹ֑ד מִ֝תּֽוֹרָתֺךָ֗ לֹ֣א נָטִֽיתִי׃
זָ֘כַ֤רְתִּי מִשְׁפָּטֶ֖יךָ מֵעוֹלָ֥ם ׀ יהו֗ה וָֽאֶתְנֶחָֽם׃
זַלְעָפָ֣ה אֲ֭חָזַתְנִי מֵרֺשָׁעִ֑ים עֹ֝זֺבֵ֗י תּוֹרָתֶֽךָ׃
זֺ֭מִרוֹת הָֽיוּ־לִ֥י חֻקֶּ֗יךָ בֺּבֵ֣ית מֺגוּרָֽי׃
זָ֘כַ֤רְתִּי בַלַּ֣יְלָה שִׁמְךָ֣ יהו֑ה וָֽ֝אֶשְׁמְרָ֗ה תּוֹרָתֶֽךָ׃
זֹ֥את הָֽיֺתָה־לִּ֑י כִּ֖י פִקֻּדֶ֣יךָ נָצָֽרֺתִּי׃
חֶלְקִ֖י יהו֥ה אָמַ֗רְתִּי לִשְׁמֹ֥ר דֺּבָרֶֽיךָ׃
חִלִּ֣יתִי פָנֶ֣יךָ בֺכׇל־לֵ֑ב חׇ֝נֵּ֗נִי כֺּאִמְרָתֶֽךָ׃
חִשַּׁ֥בְתִּי דֺרָכָ֑י וָאָשִׁ֥יבָה רַ֝גְלַ֗י אֶל־עֵדֹתֶֽיךָ׃
חַ֭שְׁתִּי וֺלֹ֣א הִתְמַהְמָ֑הְתִּי לִ֝שְׁמֹ֗ר מִצְוֹתֶֽיךָ׃
חֶבְלֵ֣י רֺשָׁעִ֣ים עִוֺּדֻ֑נִי תּֽ֝וֹרָתֺךָ֗ לֹ֣א שָׁכָֽחְתִּי׃
חֲצֽוֹת־לַ֗יְלָה אָ֭קוּם לֺהוֹד֣וֹת לָ֑ךְ עַ֝֗ל מִשְׁפֺּטֵ֥י צִדְקֶֽךָ׃
חָבֵ֣ר אָ֭נִי לֺכׇל־אֲשֶׁ֣ר יֺרֵא֑וּךָ וּ֝לְשֹׁמֺרֵ֗י פִּקּוּדֶֽיךָ׃
חַסְדֺּךָ֣ י֭הוה מָלֺאָ֥ה הָאָ֗רֶץ חֻקֶּ֥יךָ לַמֺּדֵֽנִי׃
ט֭וֹב עָשִׂ֣יתָ עִֽם־עַבְדֺּךָ֑ י֝הו֗ה כִּדְבָרֶֽךָ׃
ט֤וּב טַ֣עַם וָדַ֣עַת לַמֺּדֵ֑נִי כִּ֖י בֺמִצְוֹתֶ֣יךָ הֶאֱמָֽנְתִּי׃
טֶ֣רֶם אֶ֭עֱנֶה אֲנִ֣י שֹׁגֵ֑ג וֺ֝עַתָּ֗ה אִמְרָתֺךָ֥ שָׁמָֽרֺתִּי׃
טוֹב־אַתָּ֥ה וּמֵטִ֗יב לַמֺּדֵ֥נִי חֻקֶּֽיךָ׃
טָפֺל֬וּ עָלַ֣י שֶׁ֣קֶר זֵדִ֑ים אֲ֝נִ֗י בֺּכׇל־לֵ֤ב ׀ אֱצֹּ֬ר פִּקּוּדֶֽיךָ׃
טָפַ֣שׁ כַּחֵ֣לֶב לִבָּ֑ם אֲ֝נִ֗י תּוֹרָתֺךָ֥ שִֽׁעֲשָֽׁעְתִּי׃
טֽוֹב־לִ֥י כִֽי־עֻנֵּ֑יתִי לֺ֝מַ֗עַן אֶלְמַ֥ד חֻקֶּֽיךָ׃
טֽוֹב־לִ֥י תֽוֹרַת־פִּ֑יךָ מֵ֝אַלְפֵ֗י זָהָ֥ב וָכָֽסֶף׃
יָדֶ֣יךָ עָ֭שׂוּנִי וַֽיְכוֹנֺנ֑וּנִי הֲ֝בִינֵ֗נִי וֺאֶלְמֺדָ֥ה מִצְוֹתֶֽיךָ׃
יֺ֭רֵאֶיךָ יִרְא֣וּנִי וֺיִשְׂמָ֑חוּ כִּ֖י לִדְבָרֺךָ֣ יִחָֽלְתִּי׃
יָדַ֣עְתִּי י֭הוה כִּי־צֶ֣דֶק מִשְׁפָּטֶ֑יךָ וֶ֝אֱמוּנָ֗ה עִנִּיתָֽנִי׃
יֺהִי־נָ֣א חַסְדֺּךָ֣ לֺנַחֲמֵ֑נִי כֺּאִמְרָתֺךָ֥ לֺעַבְדֶּֽךָ׃
יֺבֹא֣וּנִי רַחֲמֶ֣יךָ וֺאֶֽחְיֶ֑ה כִּי־תֽ֝וֹרָתֺךָ֗ שַֽׁעֲשֻׁעָֽי׃
יֵבֹ֣שׁוּ זֵ֭דִים כִּי־שֶׁ֣קֶר עִוֺּת֑וּנִי אֲ֝נִ֗י אָשִׂ֥יחַ בֺּפִקּוּדֶֽיךָ׃
יָשׁ֣וּבוּ לִ֣י יֺרֵאֶ֑יךָ וֺ֝יֹדֺעֵ֗י עֵדֹתֶֽיךָ׃
יֺהִֽי־לִבִּ֣י תָמִ֣ים בֺּחֻקֶּ֑יךָ לֺ֝מַ֗עַן לֹ֣א אֵבֽוֹשׁ׃
כָּלֺתָ֣ה לִתְשׁוּעָתֺךָ֣ נַפְשִׁ֑י לִדְבָרֺךָ֥ יִחָֽלְתִּי׃
כָּל֣וּ עֵ֭ינַי לֺאִמְרָתֶ֑ךָ לֵ֝אמֹ֗ר מָתַ֥י תֺּֽנַחֲמֵֽנִי׃
כִּֽי־הָ֭יִיתִי כֺּנֹ֣אד בֺּקִיט֑וֹר חֻ֝קֶּ֗יךָ לֹ֣א שָׁכָֽחְתִּי׃
כַּמָּ֥ה יֺמֵֽי־עַבְדֶּ֑ךָ מָתַ֬י תַּעֲשֶׂ֖ה בֺרֹדֺפַ֣י מִשְׁפָּֽט׃
כָּֽרוּ־לִ֣י זֵדִ֣ים שִׁיח֑וֹת אֲ֝שֶׁ֗ר לֹ֣א כֺתוֹרָתֶֽךָ׃
כׇּל־מִצְוֹתֶ֥יךָ אֱמוּנָ֑ה שֶׁ֖קֶר רֺדָפ֣וּנִי עׇזְרֵֽנִי׃
כִּ֭מְעַט כִּלּ֣וּנִי בָאָ֑רֶץ וַ֝אֲנִ֗י לֹא־עָזַ֥בְתִּי פִקֻּדֶֽיךָ׃
כֺּחַסְדֺּךָ֥ חַיֵּ֑נִי וֺ֝אֶשְׁמְרָ֗ה עֵד֥וּת פִּֽיךָ׃
לֺעוֹלָ֥ם יהו֑ה דֺּ֝בָרֺךָ֗ נִצָּ֥ב בַּשָּׁמָֽיִם׃
לֺדֹ֣ר וָ֭דֹר אֱמֽוּנָתֶ֑ךָ כּוֹנַ֥נְתָּ אֶ֝֗רֶץ וַֽתַּעֲמֹֽד׃
לֺֽ֭מִשְׁפָּטֶיךָ עָמֺד֣וּ הַיּ֑וֹם כִּ֖י הַכֹּ֣ל עֲבָדֶֽיךָ׃
לוּלֵ֣י ת֭וֹרָתֺךָ שַׁעֲשֻׁעָ֑י אָ֝֗ז אָבַ֥דְתִּי בֺעׇנְיִֽי׃
לֺ֭עוֹלָם לֹא־אֶשְׁכַּ֣ח פִּקּוּדֶ֑יךָ כִּ֥י־בָ֝֗ם חִיִּיתָֽנִי׃
לֺֽךָ־אֲ֭נִי הוֹשִׁיעֵ֑נִי כִּ֖י פִקּוּדֶ֣יךָ דָרָֽשְׁתִּי׃
לִ֤י קִוּ֣וּ רֺשָׁעִ֣ים לֺאַבֺּדֵ֑נִי עֵ֝דֹתֶ֗יךָ אֶתְבּוֹנָֽן׃
לֺֽכׇל־תִּ֭כְלָה רָאִ֣יתִי קֵ֑ץ רֺחָבָ֖ה מִצְוָתֺךָ֣ מֺאֹֽד׃
מָֽה־אָהַ֥בְתִּי תוֹרָתֶ֑ךָ כׇּל־הַ֝יּ֗וֹם הִ֣יא שִׂיחָתִֽי׃
מֵ֭אֹ֣יֺבַי תֺּחַכֺּמֵ֣נִי מִצְוֹתֶ֑ךָ כִּ֖י לֺעוֹלָ֣ם הִיא־לִֽי׃
מִכׇּל־מֺלַמֺּדַ֥י הִשְׂכַּ֑לְתִּי כִּ֥י עֵ֝דֺוֹתֶ֗יךָ שִׂ֣יחָה לִֽֿי׃
מִזֺּקֵנִ֥ים אֶתְבּוֹנָ֑ן כִּ֖י פִקּוּדֶ֣יךָ נָצָֽרֺתִּי׃
מִכׇּל־אֹ֣רַח רָ֭ע כָּלִ֣אתִי רַגְלָ֑י לֺ֝מַ֗עַן אֶשְׁמֹ֥ר דֺּבָרֶֽךָ׃
מִמִּשְׁפָּטֶ֥יךָ לֹא־סָ֑רֺתִּי כִּֽי־אַ֝תָּ֗ה הוֹרֵתָֽנִי׃
מַה־נִּמְלֺצ֣וּ לֺ֭חִכִּי אִמְרָתֶ֗ךָ מִדֺּבַ֥שׁ לֺפִֽי׃
מִפִּקּוּדֶ֥יךָ אֶתְבּוֹנָ֑ן עַל־כֵּ֝֗ן שָׂנֵ֤אתִי ׀ כׇּל־אֹ֬רַח שָֽׁקֶר׃
נֵר־לֺרַגְלִ֥י דֺבָרֶ֑ךָ וֺ֝א֗וֹר לִנְתִיבָתִֽי׃
נִשְׁבַּ֥עְתִּי וָאֲקַיֵּ֑מָה לִ֝שְׁמֹ֗ר מִשְׁפֺּטֵ֥י צִדְקֶֽךָ׃
נַעֲנֵ֥יתִי עַד־מֺאֹ֑ד י֝הו֗ה חַיֵּ֥נִי כִדְבָרֶֽךָ׃
נִדְב֣וֹת פִּ֭י רֺצֵה־נָ֣א יהו֑ה וּֽמִשְׁפָּטֶ֥יךָ לַמֺּדֵֽנִי׃
נַפְשִׁ֣י בֺכַפִּ֣י תָמִ֑יד וֺ֝תֽוֹרָתֺךָ֗ לֹ֣א שָׁכָֽחְתִּי׃
נָתֺנ֬וּ רֺשָׁעִ֣ים פַּ֣ח לִ֑י וּ֝מִפִּקּוּדֶ֗יךָ לֹ֣א תָעִֽיתִי׃
נָחַ֣לְתִּי עֵדֺוֹתֶ֣יךָ לֺעוֹלָ֑ם כִּֽי־שֺׂשׂ֖וֹן לִבִּ֣י הֵֽמָּה׃
נָטִ֣יתִי לִ֭בִּי לַעֲשׂ֥וֹת חֻקֶּ֗יךָ לֺעוֹלָ֥ם עֵֽקֶב׃
סֵעֲפִ֥ים שָׂנֵ֑אתִי וֺֽתוֹרָתֺךָ֥ אָהָֽבְתִּי׃
סִתְרִ֣י וּמָגִנִּ֣י אָ֑תָּה לִדְבָרֺךָ֥ יִחָֽלְתִּי׃
סֽוּרוּ־מִמֶּ֥נִּי מֺרֵעִ֑ים וֺ֝אֶצֺּרָ֗ה מִצְוֹ֥ת אֱלֹהָֽי׃
סׇמֺכֵ֣נִי כֺאִמְרָתֺךָ֣ וֺאֶֽחְיֶ֑ה וֺאַל־תֺּ֝בִישֵׁ֗נִי מִשִּׂבְרִֽי׃
סֺעָדֵ֥נִי וֺאִוָּשֵׁ֑עָה וֺאֶשְׁעָ֖ה בֺחֻקֶּ֣יךָ תָמִֽיד׃
סָ֭לִיתָ כׇּל־שׁוֹגִ֣ים מֵחֻקֶּ֑יךָ כִּי־שֶׁ֝֗קֶר תַּרְמִיתָֽם׃
סִגִ֗ים הִשְׁבַּ֥תָּ כׇל־רִשְׁעֵי־אָ֑רֶץ לָ֝כֵ֗ן אָהַ֥בְתִּי עֵדֹתֶֽיךָ׃
סָמַ֣ר מִפַּחְדֺּךָ֣ בֺשָׂרִ֑י וּֽמִמִּשְׁפָּטֶ֥יךָ יָרֵֽאתִי׃
עָ֭שִׂיתִי מִשְׁפָּ֣ט וָצֶ֑דֶק בַּל־תַּ֝נִּיחֵ֗נִי לֺעֹֽשֺׁקָֽי׃
עֲרֹ֣ב עַבְדֺּךָ֣ לֺט֑וֹב אַֽל־יַעַשְׁקֻ֥נִי זֵדִֽים׃
עֵ֭ינַי כָּל֣וּ לִֽישׁוּעָתֶ֑ךָ וּלְאִמְרַ֥ת צִדְקֶֽךָ׃
עֲשֵׂ֖ה עִם־עַבְדֺּךָ֥ כֺחַסְדֶּ֗ךָ וֺחֻקֶּ֥יךָ לַמֺּדֵֽנִי׃
עַבְדֺּךָ־אָ֥נִי הֲבִינֵ֑נִי וֺ֝אֵדֺעָ֗ה עֵדֹתֶֽיךָ׃
עֵ֭ת לַעֲשׂ֣וֹת לַיהו֑ה הֵ֝פֵ֗רוּ תּוֹרָתֶֽךָ׃
עַל־כֵּ֭ן אָהַ֣בְתִּי מִצְוֹתֶ֑יךָ מִזָּהָ֥ב וּמִפָּֽז׃
עַל־כֵּ֤ן ׀ כׇּל־פִּקּ֣וּדֵי כֹ֣ל יִשָּׁ֑רֺתִּי כׇּל־אֹ֖רַח שֶׁ֣קֶר שָׂנֵֽאתִי׃
פֺּלָא֥וֹת עֵדֺוֹתֶ֑יךָ עַל־כֵּ֝֗ן נֺצָרָ֥תַם נַפְשִֽׁי׃
פֵּ֖תַח־דֺּבָרֶ֥יךָ יָאִ֗יר מֵבִ֥ין פֺּתָיִֽים׃
פִּֽי־פָ֭עַרְתִּי וָאֶשְׁאָ֑פָה כִּ֖י לֺמִצְוֹתֶ֣יךָ יָאָֽבְתִּי׃
פֺּנֵה־אֵלַ֥י וֺחׇנֵּ֑נִי כֺּ֝מִשְׁפָּ֗ט לֺאֹהֲבֵ֥י שֺׁמֶֽךָ׃
פֺּ֭עָמַי הָכֵ֣ן בֺּאִמְרָתֶ֑ךָ וֺֽאַל־תַּשְׁלֶט־בִּ֥י כׇל־אָֽוֶן׃
פֺּ֭דֵנִי מֵעֹ֣שֶׁק אָדָ֑ם וֺ֝אֶשְׁמְרָ֗ה פִּקּוּדֶֽיךָ׃
פָּ֭נֶיךָ הָאֵ֣ר בֺּעַבְדֶּ֑ךָ וֺ֝לַמֺּדֵ֗נִי אֶת־חֻקֶּֽיךָ׃
פַּלְגֵי־מַ֭יִם יָרֺד֣וּ עֵינָ֑י עַ֝֗ל לֹא־שָׁמֺר֥וּ תוֹרָתֶֽךָ׃
צַדִּ֣יק אַתָּ֣ה יהו֑ה וֺ֝יָשָׁ֗ר מִשְׁפָּטֶֽיךָ׃
צִ֭וִּיתָ צֶ֣דֶק עֵדֹתֶ֑יךָ וֶֽאֱמוּנָ֥ה מֺאֹֽד׃
צִמֺּתַ֥תְנִי קִנְאָתִ֑י כִּֽי־שָׁכֺח֖וּ דֺבָרֶ֣יךָ צָרָֽי׃
צֺרוּפָ֖ה אִמְרָתֺךָ֥ מֺאֹ֗ד וֺֽעַבְדֺּךָ֥ אֲהֵבָֽהּ׃
צָעִ֣יר אָנֹכִ֣י וֺנִבְזֶ֑ה פִּ֝קֻּדֶ֗יךָ לֹ֣א שָׁכָֽחְתִּי׃
צִדְקָתֺךָ֣ צֶ֣דֶק לֺעוֹלָ֑ם וֺֽתוֹרָתֺךָ֥ אֱמֶֽת׃
צַר־וּמָצ֥וֹק מֺצָא֑וּנִי מִ֝צְוֹתֶ֗יךָ שַׁעֲשֻׁעָֽי׃
צֶ֖דֶק עֵדֺוֹתֶ֥יךָ לֺעוֹלָ֗ם הֲבִינֵ֥נִי וֺאֶחְיֶֽה׃
קָרָ֣אתִי בֺכׇל־לֵ֭ב עֲנֵ֥נִי יהו֗ה חֻקֶּ֥יךָ אֶצֹּֽרָה׃
קֺרָאתִ֥יךָ הוֹשִׁיעֵ֑נִי וֺ֝אֶשְׁמְרָ֗ה עֵדֹתֶֽיךָ׃
קִדַּ֣מְתִּי בַ֭נֶּשֶׁף וָאֲשַׁוֵּ֑עָה לִדְבָרֺךָ֥ יִחָֽלְתִּי׃
קִדֺּמ֣וּ עֵ֭ינַי אַשְׁמֻר֑וֹת לָ֝שִׂ֗יחַ בֺּאִמְרָתֶֽךָ׃
ק֭וֹלִי שִׁמְעָ֣ה כֺחַסְדֶּ֑ךָ י֝הו֗ה כֺּֽמִשְׁפָּטֶ֥ךָ חַיֵּֽנִי׃
קָ֭רֺבוּ רֹדֺפֵ֣י זִמָּ֑ה מִתּוֹרָתֺךָ֥ רָחָֽקוּ׃
קָר֣וֹב אַתָּ֣ה יהו֑ה וֺֽכׇל־מִצְוֹתֶ֥יךָ אֱמֶֽת׃
קֶ֣דֶם יָ֭דַעְתִּי מֵעֵדֹתֶ֑יךָ כִּ֖י לֺעוֹלָ֣ם יֺסַדְתָּֽם׃
רֺאֵֽה־עׇנְיִ֥י וֺחַלֺּצֵ֑נִי כִּי־תֽ֝וֹרָתֺךָ֗ לֹ֣א שָׁכָֽחְתִּי׃
רִיבָ֣ה רִ֭יבִי וּגֺאָלֵ֑נִי לֺאִמְרָתֺךָ֥ חַיֵּֽנִי׃
רָח֣וֹק מֵרֺשָׁעִ֣ים יֺשׁוּעָ֑ה כִּֽי־חֻ֝קֶּיךָ לֹ֣א דָרָֽשׁוּ׃
רַחֲמֶ֖יךָ רַבִּ֥ים ׀ יהו֑ה כֺּֽמִשְׁפָּטֶ֥יךָ חַיֵּֽנִי׃
רַ֭בִּים רֹדֺפַ֣י וֺצָרָ֑י מֵ֝עֵדֺוֹתֶ֗יךָ לֹ֣א נָטִֽיתִי׃
רָאִ֣יתִי בֹ֭גֺדִים וָֽאֶתְקוֹטָ֑טָה אֲשֶׁ֥ר אִ֝מְרָתֺךָ֗ לֹ֣א שָׁמָֽרוּ׃
רֺ֭אֵה כִּי־פִקּוּדֶ֣יךָ אָהָ֑בְתִּי י֝הו֗ה כֺּֽחַסְדֺּךָ֥ חַיֵּֽנִי׃
רֹאשׁ־דֺּבָרֺךָ֥ אֱמֶ֑ת וּ֝לְעוֹלָ֗ם כׇּל־מִשְׁפַּ֥ט צִדְקֶֽךָ׃
שָׂ֭רִים רֺדָפ֣וּנִי חִנָּ֑ם וּ֝מִדֺּבָרֺךָ֗ פָּחַ֥ד לִבִּֽי׃
שָׂ֣שׂ אָ֭נֹכִֽי עַל־אִמְרָתֶ֑ךָ כֺּ֝מוֹצֵ֗א שָׁלָ֥ל רָֽב׃
שֶׁ֣קֶר שָׂ֭נֵאתִי וַאֲתַעֵ֑בָה תּוֹרָתֺךָ֥ אָהָֽבְתִּי׃
שֶׁ֣בַע בַּ֭יּוֹם הִלַּלְתִּ֑יךָ עַ֝֗ל מִשְׁפֺּטֵ֥י צִדְקֶֽךָ׃
שָׁל֣וֹם רָ֭ב לֺאֹהֲבֵ֣י תוֹרָתֶ֑ךָ וֺאֵֽין־לָ֥מוֹ מִכְשֽׁוֹל׃
שִׂבַּ֣רְתִּי לִֽישׁוּעָתֺךָ֣ יהו֑ה וּֽמִצְוֹתֶ֥יךָ עָשִֽׂיתִי׃
שָֽׁמֺרָ֣ה נַ֭פְשִׁי עֵדֹתֶ֑יךָ וָאֹהֲבֵ֥ם מֺאֹֽד׃
שָׁמַ֣רְתִּי פִ֭קּוּדֶיךָ וֺעֵדֹתֶ֑יךָ כִּ֖י כׇל־דֺּרָכַ֣י נֶגְדֶּֽךָ׃
תִּקְרַ֤ב רִנָּתִ֣י לֺפָנֶ֣יךָ יהו֑ה כִּדְבָרֺךָ֥ הֲבִינֵֽנִי׃
תָּב֣וֹא תֺּחִנָּתִ֣י לֺפָנֶ֑יךָ כֺּ֝אִמְרָתֺךָ֗ הַצִּילֵֽנִי׃
תַּבַּ֣עְנָה שֺׂפָתַ֣י תֺּהִלָּ֑ה כִּ֖י תֺלַמֺּדֵ֣נִי חֻקֶּֽיךָ׃
תַּ֣עַן לֺ֭שׁוֹנִי אִמְרָתֶ֑ךָ כִּ֖י כׇל־מִצְוֹתֶ֣יךָ צֶּֽדֶק׃
תֺּהִֽי־יָדֺךָ֥ לֺעׇזְרֵ֑נִי כִּ֖י פִקּוּדֶ֣יךָ בָחָֽרֺתִּי׃
תָּאַ֣בְתִּי לִֽישׁוּעָתֺךָ֣ יהו֑ה וֺ֝תֽוֹרָתֺךָ֗ שַׁעֲשֻׁעָֽי׃
תֺּֽחִי־נַ֭פְשִׁי וּֽתֺהַֽלֺלֶ֑ךָּ וּֽמִשְׁפָּטֶ֥ךָ יַעֲזְרֻֽנִי׃
תָּעִ֗יתִי כֺּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ כִּ֥י מִ֝צְוֹתֶ֗יךָ לֹ֣א שָׁכָֽחְתִּי׃
More Tehillim on this site: The Book of Tehillim – All 150 Psalms · Daily Tehillim · Communal Tehillim