Tehillim/Psalm 54
הזיפים, הם אנשי זיף, שהיה דוד מסתתר עמהם ובוטח בהם, וגילו העניין לשאול, והאל הצילו מהם, ואז חיבר זה המזמור לעורר לבו לתפילה ולהודות לאל על נסיו שבכל יום עמו.
לַמְנַצֵּ֥חַ בִּנְגִינֹ֗ת מַשְׂכִּ֥יל לֺדָוִֽד׃
בֺּב֣וֹא הַ֭זִּיפִים וַיֹּאמְר֣וּ לֺשָׁא֑וּל הֲלֹ֥א דָ֝וִ֗ד מִסְתַּתֵּ֥ר עִמָּֽנוּ׃
אֱ֭לֹהִים בֺּשִׁמְךָ֣ הוֹשִׁיעֵ֑נִי וּבִגְבוּרָתֺךָ֥ תֺדִינֵֽנִי׃
אֱ֭לֹהִים שֺׁמַ֣ע תֺּפִלָּתִ֑י הַ֝אֲזִ֗ינָה לֺאִמְרֵי־פִֽי׃
כִּ֤י זָרִ֨ים ׀ קָ֤מוּ עָלַ֗י וֺֽ֭עָרִיצִים בִּקְשׁ֣וּ נַפְשִׁ֑י לֹ֤א שָׂ֨מוּ אֱלֹהִ֖ים לֺנֶגְדָּ֣ם סֶֽלָה׃
הִנֵּ֣ה אֱ֭לֹהִים עֹזֵ֣ר לִ֑י אֲ֝דֹנָ֗י בֺּֽסֹמֺכֵ֥י נַפְשִֽׁי׃
יָשִׁ֣יב הָ֭רַע לֺשֹׁרֺרָ֑י בַּ֝אֲמִתֺּךָ֗ הַצְמִיתֵֽם׃
בִּנְדָבָ֥ה אֶזְבֺּחָה־לָּ֑ךְ א֤וֹדֶה שִּׁמְךָ֖ יהו֣ה כִּי־טֽוֹב׃
כִּ֣י מִכׇּל־צָ֭רָה הִצִּילָ֑נִי וּ֝בֺאֹיֺבַ֗י רָאֲתָ֥ה עֵינִֽי׃
More Tehillim on this site: The Book of Tehillim – All 150 Psalms · Daily Tehillim · Communal Tehillim