Tehillim/Psalm 56
(זה המזמור נאמר) כשחשבו פלשתים לאחוז אותו להמיתו, כשאמרו לאכיש "הלא זה דוד מלך הארץ" (שמואל א' כא, יב), עד שהוריד רירו על זקנו ועשה עצמו כמשוגע, וברח אל מערת עדולם.
לַמְנַצֵּ֤חַ ׀ עַל־י֬וֹנַת אֵ֣לֶם רֺ֭חֹקִים לֺדָוִ֣ד מִכְתָּ֑ם בֶּֽאֱחֹ֨ז אוֹת֖וֹ פֺלִשְׁתִּ֣ים בֺּגַֽת׃
חׇנֵּ֣נִי אֱ֭לֹהִים כִּֽי־שֺׁאָפַ֣נִי אֱנ֑וֹשׁ כׇּל־הַ֝יּ֗וֹם לֹחֵ֥ם יִלְחָצֵֽנִי׃
שָׁאֲפ֣וּ שׁ֭וֹרֺרַי כׇּל־הַיּ֑וֹם כִּֽי־רַבִּ֨ים לֹחֲמִ֖ים לִ֣י מָרֽוֹם׃
י֥וֹם אִירָ֑א אֲ֝נִ֗י אֵלֶ֥יךָ אֶבְטָֽח׃
בֵּאלֹהִים֮ אֲהַלֵּ֪ל דֺּבָ֫ר֥וֹ בֵּאלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה בָשָׂ֣ר לִֽי׃
כׇּל־הַ֭יּוֹם דֺּבָרַ֣י יֺעַצֵּ֑בוּ עָלַ֖י כׇּל־מַחְשֺׁבֹתָ֣ם לָרָֽע׃
יָג֤וּרוּ ׀ יִצְפּ֗וֹנוּ הֵ֭מָּה עֲקֵבַ֣י יִשְׁמֹ֑רוּ כַּ֝אֲשֶׁ֗ר קִוּ֥וּ נַפְשִֽׁי׃
עַל־אָ֥וֶן פַּלֶּט־לָ֑מוֹ בֺּ֝אַ֗ף עַמִּ֤ים ׀ הוֹרֵ֬ד אֱלֹהִֽים׃
נֹדִי֮ סָפַ֪רְתָּ֫ה אָ֥תָּה שִׂ֣ימָה דִמְעָתִ֣י בֺנֹאדֶ֑ךָ הֲ֝לֹ֗א בֺּסִפְרָתֶֽךָ׃
אָ֥֨ז יָ֘שׁ֤וּבוּ אוֹיֺבַ֣י אָ֭חוֹר בֺּי֣וֹם אֶקְרָ֑א זֶה־יָ֝דַ֗עְתִּי כִּֽי־אֱלֹהִ֥ים לִֽי׃
בֵּֽ֭אלֹהִים אֲהַלֵּ֣ל דָּבָ֑ר בַּ֝יהו֗ה אֲהַלֵּ֥ל דָּבָֽר׃
בֵּֽאלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה אָדָ֣ם לִֽי׃
עָלַ֣י אֱלֹהִ֣ים נֺדָרֶ֑יךָ אֲשַׁלֵּ֖ם תּוֹדֹ֣ת לָֽךְ׃
כִּ֤י הִצַּ֪לְתָּ נַפְשִׁ֡י מִמָּוֶת֮ הֲלֹ֥א רַגְלַ֗י מִ֫דֶּ֥חִי לֺ֭הִֽתְהַלֵּךְ לִפְנֵ֣י אֱלֹהִ֑ים בֺּ֝א֗וֹר הַֽחַיִּֽים׃
More Tehillim on this site: The Book of Tehillim – All 150 Psalms · Daily Tehillim · Communal Tehillim