Tehillim/Psalm 57
הנה שלושה מזמורים רצופים שמתחילים "אל תשחת", ושלושתם בעניין דוד עם שאול. והיה מתיירא שימיתוהו, ולכן היה מְחַלֶּה לפני האל שלא ימות. ונראה שהמיתה, כשהיא על ידי אדם, נאמרת בלשון ׳השחתה׳. וזה המזמור נאמר בברחו מפני שאול במערה, כשהיו דוד ואנשיו בירכתי המערה, ובא שאול שם להסך את רגליו, וכרת כנף מעילו ולא רצה לשלוח בו ידו, עם היות הוא רודף אחריו.
לַמְנַצֵּ֣חַ אַל־תַּ֭שְׁחֵת לֺדָוִ֣ד מִכְתָּ֑ם בֺּבׇרֺח֥וֹ מִפֺּנֵי־שָׁ֝א֗וּל בַּמֺּעָרָֽה׃
חׇנֵּ֤נִי אֱלֹהִ֨ים ׀ חׇנֵּ֗נִי כִּ֥י בֺךָ֮ חָסָ֪יָה נַ֫פְשִׁ֥י וּבְצֵֽל־כֺּנָפֶ֥יךָ אֶחְסֶ֑ה עַ֝֗ד יַעֲבֹ֥ר הַוּֽוֹת׃
אֶ֭קְרָא לֵֽאלֹהִ֣ים עֶלְי֑וֹן לָ֝אֵ֗ל גֹּמֵ֥ר עָלָֽי׃
יִשְׁלַ֤ח מִשָּׁמַ֨יִם ׀ וֺֽיוֹשִׁיעֵ֗נִי חֵרֵ֣ף שֹׁאֲפִ֣י סֶ֑לָה יִשְׁלַ֥ח אֱ֝לֹהִ֗ים חַסְדּ֥וֹ וַאֲמִתּֽוֹ׃
נַפְשִׁ֤י ׀ בֺּת֥וֹךְ לֺבָאִם֮ אֶשְׁכֺּבָ֪ה לֹ֫הֲטִ֥ים בֺּֽנֵי־אָדָ֗ם שִׁ֭נֵּיהֶם חֲנִ֣ית וֺחִצִּ֑ים וּ֝לְשׁוֹנָ֗ם חֶ֣רֶב חַדָּֽה׃
ר֣וּמָה עַל־הַשָּׁמַ֣יִם אֱלֹהִ֑ים עַ֖ל כׇּל־הָאָ֣רֶץ כֺּבוֹדֶֽךָ׃
רֶ֤שֶׁת ׀ הֵכִ֣ינוּ לִפְעָמַי֮ כָּפַ֪ף נַ֫פְשִׁ֥י כָּר֣וּ לֺפָנַ֣י שִׁיחָ֑ה נָפֺל֖וּ בֺתוֹכָ֣הּ סֶֽלָה׃
נָ֘כ֤וֹן לִבִּ֣י אֱ֭לֹהִים נָכ֣וֹן לִבִּ֑י אָ֝שִׁ֗ירָה וַאֲזַמֵּֽרָה׃
ע֤וּרָה כֺבוֹדִ֗י ע֭וּרָֽה הַנֵּ֥בֶל וֺכִנּ֗וֹר אָעִ֥ירָה שָּֽׁחַר׃
אוֹדֺךָ֖ בָעַמִּ֥ים ׀ אֲדֹנָ֑י אֲ֝זַמֶּרְךָ֗ בַּל־אֻמִּֽים׃
כִּֽי־גָדֹ֣ל עַד־שָׁמַ֣יִם חַסְדֶּ֑ךָ וֺֽעַד־שֺׁחָקִ֥ים אֲמִתֶּֽךָ׃
ר֣וּמָה עַל־שָׁמַ֣יִם אֱלֹהִ֑ים עַ֖ל כׇּל־הָאָ֣רֶץ כֺּבוֹדֶֽךָ׃
More Tehillim on this site: The Book of Tehillim – All 150 Psalms · Daily Tehillim · Communal Tehillim