Tehillim/Psalm 70

אלַ֝מְנַצֵּ֗חַ לֺדָוִ֥ד לֺהַזְכִּֽיר׃

באֱלֹהִ֥ים לֺהַצִּילֵ֑נִי י֝הו֗ה לֺעֶזְרָ֥תִי חֽוּשָֽׁה׃

גיֵבֹ֣שׁוּ וֺיַחְפֺּרוּ֮ מֺבַקְשֵׁ֪י נַ֫פְשִׁ֥י יִסֹּ֣גוּ אָ֭חוֹר וֺיִכָּלֺמ֑וּ חֲ֝פֵצֵ֗י רָעָתִֽי׃

דיָ֭שׁוּבוּ עַל־עֵ֣קֶב בׇּשֺׁתָּ֑ם הָ֝אֹמֺרִ֗ים הֶ֘אָ֥ח ׀ הֶאָֽח׃

היָ֘שִׂ֤ישׂוּ וֺיִשְׂמֺח֨וּ ׀ בֺּךָ֗ כׇּֽל־מֺבַ֫קְשֶׁ֥יךָ וֺיֹאמְר֣וּ תָ֭מִיד יִגְדַּ֣ל אֱלֹהִ֑ים אֹ֝הֲבֵ֗י יֺשׁוּעָתֶֽךָ׃

ווַאֲנִ֤י ׀ עָנִ֣י וֺאֶבְיוֹן֮ אֱלֹהִ֪ים חֽוּשָׁ֫ה־לִּ֥י עֶזְרִ֣י וּמְפַלְטִ֣י אַ֑תָּה י֝הו֗ה אַל־תֺּאַחַֽר׃