Tehillim/Psalm 8

עניין המזמור הוא כנגד הכופרים בחידוש העולם ובהשגחה, ובשאר הפינות (=יסודות) הדתיות והתוריות, הנודעות מפי הנבואה מצד התורה.

לַמְנַצֵּ֥חַ עַֽל־הַגִּתִּ֗ית מִזְמ֥וֹר לֺדָוִֽד׃

יהו֤ה אֲדֹנֵ֗ינוּ מָֽה־אַדִּ֣יר שִׁ֭מְךָ בֺּכׇל־הָאָ֑רֶץ אֲשֶׁ֥ר־תֺּנָ֥ה ה֝וֹדֺךָ֗ עַל־הַשָּׁמָֽיִם׃

מִפִּ֤י עֽוֹלֺלִ֨ים ׀ וֺֽיֹנֺקִים֮ יִסַּ֪דְתָּ֫ עֹ֥ז לֺמַ֥עַן צוֹרֺרֶ֑יךָ לֺהַשְׁבִּ֥ית א֝וֹיֵ֗ב וּמִתְנַקֵּֽם׃

כִּֽי־אֶרְאֶ֣ה שָׁ֭מֶיךָ מַעֲשֵׂ֣ה אֶצְבֺּעֹתֶ֑יךָ יָרֵ֥חַ וֺ֝כוֹכָבִ֗ים אֲשֶׁ֣ר כּוֹנָֽנְתָּה׃

מָֽה־אֱנ֥וֹשׁ כִּֽי־תִזְכֺּרֶ֑נּוּ וּבֶן־אָ֝דָ֗ם כִּ֣י תִפְקֺדֶֽנּוּ׃

וַתֺּחַסֺּרֵ֣הוּ מֺּ֭עַט מֵאֱלֹהִ֑ים וֺכָב֖וֹד וֺהָדָ֣ר תֺּעַטֺּרֵֽהוּ׃

תַּ֭מְשִׁילֵהוּ בֺּמַעֲשֵׂ֣י יָדֶ֑יךָ כֹּ֝ל שַׁ֣תָּה תַֽחַת־רַגְלָֽיו׃

צֹנֶ֣ה וַאֲלָפִ֣ים כֻּלָּ֑ם וֺ֝גַ֗ם בַּהֲמ֥וֹת שָׂדָֽי׃

צִפּ֣וֹר שָׁ֭מַיִם וּדֺגֵ֣י הַיָּ֑ם עֹ֝בֵ֗ר אׇרֺח֥וֹת יַמִּֽים׃

יהו֥ה אֲדֹנֵ֑ינוּ מָֽה־אַדִּ֥יר שִׁ֝מְךָ֗ בֺּכׇל־הָאָֽרֶץ׃