תהלים פרק יא

זה המזמור אמרוֹ דוד אחר שבאו פלשתים להילחם בקעילה, והלך שם להילחם להושיעם מידם, ואחר כן רצו להסגירו ביד שאול ויצא משם עם אנשיו ונמלט.

לַמְנַצֵּ֗חַ לֺדָ֫וִ֥ד בַּֽיהו֨ה ׀ חָסִ֗יתִי אֵ֭יךְ תֹּאמְר֣וּ לֺנַפְשִׁ֑י נ֝֗וּדִי הַרְכֶ֥ם צִפּֽוֹר׃

כִּ֤י הִנֵּ֪ה הָרֺשָׁעִ֡ים יִדֺרֺכ֬וּן קֶ֗שֶׁת כּוֹנֺנ֣וּ חִצָּ֣ם עַל־יֶ֑תֶר לִיר֥וֹת בֺּמוֹ־אֹ֝֗פֶל לֺיִשְׁרֵי־לֵֽב׃

כִּ֣י הַ֭שָּׁתוֹת יֵֽהָרֵס֑וּן צַ֝דִּ֗יק מַה־פָּעָֽל׃

יהו֤ה ׀ בֺּֽהֵ֘יכַ֤ל קׇדְשׁ֗וֹ יהוה֮ בַּשָּׁמַ֪יִם כִּ֫סְא֥וֹ עֵינָ֥יו יֶחֱז֑וּ עַפְעַפָּ֥יו יִ֝בְחֲנ֗וּ בֺּנֵ֣י אָדָֽם׃

יהוה֮ צַדִּ֪יק יִ֫בְחָ֥ן וֺ֭רָשָׁע וֺאֹהֵ֣ב חָמָ֑ס שָֽׂנֺאָ֥ה נַפְשֽׁוֹ׃

יַמְטֵ֥ר עַל־רֺשָׁעִ֗ים פַּ֫חִ֥ים אֵ֣שׁ וֺ֭גׇפֺרִית וֺר֥וּחַ זִלְעָפ֗וֹת מֺנָ֣ת כּוֹסָֽם׃

כִּֽי־צַדִּ֣יק י֭הוה צֺדָק֣וֹת אָהֵ֑ב יָ֝שָׁ֗ר יֶחֱז֥וּ פָנֵֽימוֹ׃