תהלים פרק קטז
זה המזמור אמרו דוד על צרותיו בברחו הנה והנה מפני יראת שאול והמתנכלים עליו. וכאשר הציל אותו אלוהים מכולם אמר זה המזמור, מוסף על שירתו הידועה (ראה שמואל ב' כב ותהלים יח).
אָ֭הַבְתִּי כִּֽי־יִשְׁמַ֥ע ׀ יהו֑ה אֶת־ק֝וֹלִ֗י תַּחֲנוּנָֽי׃
כִּֽי־הִטָּ֣ה אׇזֺנ֣וֹ לִ֑י וּבְיָמַ֥י אֶקְרָֽא׃
אֲפָפ֤וּנִי ׀ חֶבְלֵי־מָ֗וֶת וּמְצָרֵ֣י שֺׁא֣וֹל מֺצָא֑וּנִי צָרָ֖ה וֺיָג֣וֹן אֶמְצָֽא׃
וּבְשֵֽׁם־יהו֥ה אֶקְרָ֑א אָנָּ֥ה י֝הו֗ה מַלֺּטָ֥ה נַפְשִֽׁי׃
חַנּ֣וּן יהו֣ה וֺצַדִּ֑יק וֵ֖אלֹהֵ֣ינוּ מֺרַחֵֽם׃
שֹׁמֵ֣ר פֺּתָאיִ֣ם יהו֑ה דַּ֝לּוֹתִ֗י וֺלִ֣י יֺהוֹשִֽׁיעַ׃
שׁוּבִ֣י נַ֭פְשִׁי לִמְנוּחָ֑יְכִי כִּֽי־י֝הו֗ה גָּמַ֥ל עָלָֽיְכִי׃
כִּ֤י חִלַּ֥צְתָּ נַפְשִׁ֗י מִ֫מָּ֥וֶת אֶת־עֵינִ֥י מִן־דִּמְעָ֑ה אֶת־רַגְלִ֥י מִדֶּֽחִי׃
אֶ֭תְהַלֵּךְ לִפְנֵ֣י יהו֑ה בֺּ֝אַרְצ֗וֹת הַֽחַיִּֽים׃
הֶ֭אֱמַנְתִּי כִּ֣י אֲדַבֵּ֑ר אֲ֝נִ֗י עָנִ֥יתִי מֺאֹֽד׃
אֲ֭נִי אָמַ֣רְתִּי בֺחׇפְזִ֑י כׇּֽל־הָאָדָ֥ם כֹּזֵֽב׃
מָֽה־אָשִׁ֥יב לַיהו֑ה כׇּֽל־תַּגְמוּל֥וֹהִי עָלָֽי׃
כּוֹס־יֺשׁוּע֥וֹת אֶשָּׂ֑א וּבְשֵׁ֖ם יהו֣ה אֶקְרָֽא׃
נֺ֭דָרַי לַיהו֣ה אֲשַׁלֵּ֑ם נֶגְדָה־נָּ֝֗א לֺכׇל־עַמּֽוֹ׃
יָ֭קָר בֺּעֵינֵ֣י יהו֑ה הַ֝מָּ֗וֺתָה לַחֲסִידָֽיו׃
אָֽנָּ֣ה יהוה֮ כִּֽי־אֲנִ֪י עַ֫בְדֶּ֥ךָ אֲֽנִי־עַ֭בְדֺּךָ בֶּן־אֲמָתֶ֑ךָ פִּ֝תַּ֗חְתָּ לֺמוֹסֵרָֽי׃
לֺֽךָ־אֶ֭זְבַּח זֶ֣בַח תּוֹדָ֑ה וּבְשֵׁ֖ם יהו֣ה אֶקְרָֽא׃
נֺ֭דָרַי לַיהו֣ה אֲשַׁלֵּ֑ם נֶגְדָה־נָּ֝֗א לֺכׇל־עַמּֽוֹ׃
בֺּחַצְר֤וֹת ׀ בֵּ֤ית יהו֗ה בֺּֽת֘וֹכֵ֤כִי יֺֽרוּשָׁלִָ֗ם הַֽלֺלוּיָֽהּ׃
עוד תהלים באתר: ספר תהלים כל הפרקים · תהלים יומי · תהלים בציבור