תהלים פרק קכא

נאמר על לשון בני הגלות. ואם נאמר על דוד עצמו – יהיה הביאור בנבואתו.

שִׁ֗יר לַֽמַּ֫עֲל֥וֹת אֶשָּׂ֣א עֵ֭ינַי אֶל־הֶהָרִ֑ים מֵ֝אַ֗יִן יָבֹ֥א עֶזְרִֽי׃

עֶ֭זְרִי מֵעִ֣ם יהו֑ה עֹ֝שֵׂ֗ה שָׁמַ֥יִם וָאָֽרֶץ׃

אַל־יִתֵּ֣ן לַמּ֣וֹט רַגְלֶ֑ךָ אַל־יָ֝נ֗וּם שֹֽׁמֺרֶֽךָ׃

הִנֵּ֣ה לֹֽא־יָ֭נוּם וֺלֹ֣א יִישָׁ֑ן שׁ֝וֹמֵ֗ר יִשְׂרָאֵֽל׃

יהו֥ה שֹׁמֺרֶ֑ךָ יהו֥ה צִ֝לֺּךָ֗ עַל־יַ֥ד יֺמִינֶֽךָ׃

יוֹמָ֗ם הַשֶּׁ֥מֶשׁ לֹֽא־יַכֶּ֗כָּה וֺיָרֵ֥חַ בַּלָּֽיְלָה׃

יֽהו֗ה יִשְׁמׇרֺךָ֥ מִכׇּל־רָ֑ע יִ֝שְׁמֹ֗ר אֶת־נַפְשֶֽׁךָ׃

יֽהו֗ה יִשְׁמׇר־צֵאתְךָ֥ וּבוֹאֶ֑ךָ מֵֽ֝עַתָּ֗ה וֺעַד־עוֹלָֽם׃