תהלים פרק קכב
גם זה המזמור יש לפרשו על בני הגלות, או על דוד עצמו. ואם נפרשהו על דוד בעצמו, יהיה ביאורו – כשאמר דוד לנתן הנביא: "הנה אנכי יושב בבית ארזים וארון האלהים יושב בתוך היריעה" (ראה שמואל ב' ז, ב ודברי הימים א' יז, א), והשיבו נתן: "כל אשר בלבבך עשה כי האלהים עמך" (דברי הימים א' יז, ב) עד שבאתהו הנבואה: "לא אתה תבנה... הבית" וכו׳ (שם, ד).
שִׁ֥יר הַֽמַּעֲל֗וֹת לֺדָ֫וִ֥ד שָׂ֭מַחְתִּי בֺּאֹמֺרִ֣ים לִ֑י בֵּ֖ית יהו֣ה נֵלֵֽךְ׃
עֹ֭מֺדוֹת הָי֣וּ רַגְלֵ֑ינוּ בִּ֝שְׁעָרַ֗יִךְ יֺרוּשָׁלִָֽם׃
יֺרוּשָׁלִַ֥ם הַבֺּנוּיָ֑ה כֺּ֝עִ֗יר שֶׁחֻבֺּרָה־לָּ֥הּ יַחְדָּֽו׃
שֶׁשָּׁ֨ם עָל֪וּ שֺׁבָטִ֡ים שִׁבְטֵי־יָ֭הּ עֵד֣וּת לֺיִשְׂרָאֵ֑ל לֺ֝הֹד֗וֹת לֺשֵׁ֣ם יהוֽה׃
כִּ֤י שָׁ֨מָּה ׀ יָשֺׁב֣וּ כִסְא֣וֹת לֺמִשְׁפָּ֑ט כִּ֝סְא֗וֹת לֺבֵ֣ית דָּוִֽד׃
שַׁ֭אֲלוּ שֺׁל֣וֹם יֺרוּשָׁלִָ֑ם יִ֝שְׁלָ֗יוּ אֹהֲבָֽיִךְ׃
יֺהִֽי־שָׁל֥וֹם בֺּחֵילֵ֑ךְ שַׁ֝לְוָ֗ה בֺּאַרֺמֺנוֹתָֽיִךְ׃
לֺ֭מַעַן אַחַ֣י וֺרֵעָ֑י אֲדַבֺּרָה־נָּ֖א שָׁל֣וֹם בָּֽךְ׃
לֺ֭מַעַן בֵּית־יהו֣ה אֱלֹהֵ֑ינוּ אֲבַקְשָׁ֖ה ט֣וֹב לָֽךְ׃
עוד תהלים באתר: ספר תהלים כל הפרקים · תהלים יומי · תהלים בציבור