תהלים פרק קכג
זאת ה׳מעלה׳, נראה שנאמרה על בני הגלות, ואמר בלשון יחיד, כאילו כלל העם מדבר.
שִׁ֗יר הַֽמַּ֫עֲל֥וֹת אֵ֭לֶיךָ נָשָׂ֣אתִי אֶת־עֵינַ֑י הַ֝יֹּשֺׁבִ֗י בַּשָּׁמָֽיִם׃
הִנֵּ֨ה כֺעֵינֵ֪י עֲבָדִ֡ים אֶל־יַ֤ד אֲֽדוֹנֵיהֶ֗ם כֺּעֵינֵ֣י שִׁפְחָה֮ אֶל־יַ֪ד גֺּבִ֫רְתָּ֥הּ כֵּ֣ן עֵ֭ינֵינוּ אֶל־יהו֣ה אֱלֹהֵ֑ינוּ עַ֝֗ד שֶׁיֺּחׇנֵּֽנוּ׃
חׇנֵּ֣נוּ יהו֣ה חׇנֵּ֑נוּ כִּֽי־רַ֝֗ב שָׂבַ֥עְנוּ בֽוּז׃
רַבַּת֮ שָֽׂבֺעָה־לָּ֪הּ נַ֫פְשֵׁ֥נוּ הַלַּ֥עַג הַשַּׁאֲנַנִּ֑ים הַ֝בּ֗וּז לִגְאֵ֥יוֹנִֽים׃
עוד תהלים באתר: ספר תהלים כל הפרקים · תהלים יומי · תהלים בציבור