תהלים פרק קכה

אשִׁ֗יר הַֽמַּ֫עֲל֥וֹת הַבֹּטֺחִ֥ים בַּיהו֑ה כֺּֽהַר־צִיּ֥וֹן לֹא־יִ֝מּ֗וֹט לֺעוֹלָ֥ם יֵשֵֽׁב׃

ביֺֽרוּשָׁלִַ֗ם הָרִים֮ סָבִ֪יב לָ֥הּ וַ֭יהוה סָבִ֣יב לֺעַמּ֑וֹ מֵ֝עַתָּ֗ה וֺעַד־עוֹלָֽם׃

גכִּ֤י לֹ֪א יָנ֡וּחַ שֵׁ֤בֶט הָרֶ֗שַׁע עַל֮ גּוֹרַ֪ל הַֽצַּדִּ֫יקִ֥ים לֺמַ֡עַן לֹא־יִשְׁלֺח֖וּ הַצַּדִּיקִ֨ים בֺּעַוְלָ֬תָה יֺדֵיהֶֽם׃

דהֵיטִ֣יבָה י֭הוה לַטּוֹבִ֑ים וֺ֝לִֽישָׁרִ֗ים בֺּלִבּוֹתָֽם׃

הוֺהַמַּטִּ֤ים עַֽקַלְקַלּוֹתָ֗ם יוֹלִיכֵ֣ם י֭הוה אֶת־פֹּעֲלֵ֣י הָאָ֑וֶן שָׁ֝ל֗וֹם עַל־יִשְׂרָאֵֽל׃