תהלים פרק קלט
כוונת המזמור לתת הודאה לאל והודעת הקפת ידיעתו על כל נמצא. וסיפר קצת נפלאות פעולותיו בבריאת העולם, ובפרט ביצירת העובר. והתפלל בו על הרשעים המטרידים אותו ומונעים ממנו שלמות, ושלבו שלם לדבקה בו בלא שום סיג.
לַ֭מְנַצֵּחַ לֺדָוִ֣ד מִזְמ֑וֹר יהו֥ה חֲ֝קַרְתַּ֗נִי וַתֵּדָֽע׃
אַתָּ֣ה יָ֭דַעְתָּ שִׁבְתִּ֣י וֺקוּמִ֑י בַּ֥נְתָּה לֺ֝רֵעִ֗י מֵרָחֽוֹק׃
אׇרֺחִ֣י וֺרִבְעִ֣י זֵרִ֑יתָ וֺֽכׇל־דֺּרָכַ֥י הִסְכַּֽנְתָּה׃
כִּ֤י אֵ֣ין מִ֭לָּה בִּלְשׁוֹנִ֑י הֵ֥ן י֝הו֗ה יָדַ֥עְתָּ כֻלָּֽהּ׃
אָח֣וֹר וָקֶ֣דֶם צַרְתָּ֑נִי וַתָּ֖שֶׁת עָלַ֣י כַּפֶּֽכָה׃
פֺּלִ֣יאָֽה דַ֣עַת מִמֶּ֑נִּי נִ֝שְׂגֺּבָ֗ה לֹא־א֥וּכַֽל לָֽהּ׃
אָ֭נָ֥ה אֵלֵ֣ךְ מֵרוּחֶ֑ךָ וֺ֝אָ֗נָה מִפָּנֶ֥יךָ אֶבְרָֽח׃
אִם־אֶסַּ֣ק שָׁ֭מַיִם שָׁ֣ם אָ֑תָּה וֺאַצִּ֖יעָה שֺּׁא֣וֹל הִנֶּֽךָּ׃
אֶשָּׂ֥א כַנְפֵי־שָׁ֑חַר אֶ֝שְׁכֺּנָ֗ה בֺּאַחֲרִ֥ית יָֽם׃
גַּם־שָׁ֭ם יָדֺךָ֣ תַנְחֵ֑נִי וֺֽתֹאחֲזֵ֥נִי יֺמִינֶֽךָ׃
וָ֭אֹמַר אַךְ־חֹ֣שֶׁךְ יֺשׁוּפֵ֑נִי וֺ֝לַ֗יְלָה א֣וֹר בַּעֲדֵֽנִי׃
גַּם־חֹשֶׁךְ֮ לֹֽא־יַחְשִׁ֪יךְ מִ֫מֶּ֥ךָ וֺ֭לַיְלָה כַּיּ֣וֹם יָאִ֑יר כַּ֝חֲשֵׁיכָ֗ה כָּאוֹרָֽה׃
כִּֽי־אַ֭תָּה קָנִ֣יתָ כִלְיֹתָ֑י תֺּ֝סֻכֵּ֗נִי בֺּבֶ֣טֶן אִמִּֽי׃
אֽוֹדֺךָ֗ עַ֤ל כִּ֥י נוֹרָא֗וֹת נִ֫פְלֵ֥יתִי נִפְלָאִ֥ים מַעֲשֶׂ֑יךָ וֺ֝נַפְשִׁ֗י יֹדַ֥עַת מֺאֹֽד׃
לֹא־נִכְחַ֥ד עׇצְמִ֗י מִ֫מֶּ֥ךָּ אֲשֶׁר־עֻשֵּׂ֥יתִי בַסֵּ֑תֶר רֻ֝קַּ֗מְתִּי בֺּֽתַחְתִּיּ֥וֹת אָֽרֶץ׃
גׇּלְמִ֤י ׀ רָ֘א֤וּ עֵינֶ֗יךָ וֺעַֽל־סִפְרֺךָ֮ כֻּלָּ֪ם יִכָּ֫תֵ֥בוּ יָמִ֥ים יֻצָּ֑רוּ וֺל֖וֹ אֶחָ֣ד בָּהֶֽם׃
וֺלִ֗י מַה־יָּקֺר֣וּ רֵעֶ֣יךָ אֵ֑ל מֶ֥ה עָ֝צֺמוּ רָאשֵׁיהֶֽם׃
אֶ֭סְפֺּרֵם מֵח֣וֹל יִרְבּ֑וּן הֱ֝קִיצֹ֗תִי וֺעוֹדִ֥י עִמָּֽךְ׃
אִם־תִּקְטֹ֖ל אֱל֥וֹהַּ ׀ רָשָׁ֑ע וֺאַנְשֵׁ֥י דָ֝מִ֗ים ס֣וּרוּ מֶֽנִּי׃
אֲשֶׁ֣ר יֹ֭מֺרוּךָ לִמְזִמָּ֑ה נָשׂ֖וּא לַשָּׁ֣וֺא עָרֶֽיךָ׃
הֲלֽוֹא־מֺשַׂנְאֶ֖יךָ יהו֥ה ׀ אֶשְׂנָ֑א וּ֝בִתְקוֹמֺמֶ֗יךָ אֶתְקוֹטָֽט׃
תַּכְלִ֣ית שִׂנְאָ֣ה שֺׂנֵאתִ֑ים לֺ֝אֹיֺבִ֗ים הָ֣יוּ לִֽי׃
חׇקְרֵ֣נִי אֵ֭ל וֺדַ֣ע לֺבָבִ֑י בֺּ֝חָנֵ֗נִי וֺדַ֣ע שַׂרְעַפָּֽי׃
וּרֺאֵ֗ה אִם־דֶּֽרֶךְ־עֹ֥צֶב בִּ֑י וּ֝נְחֵ֗נִי בֺּדֶ֣רֶךְ עוֹלָֽם׃
עוד תהלים באתר: ספר תהלים כל הפרקים · תהלים יומי · תהלים בציבור