תהלים פרק קמ
זה המזמור אמרו באותו זמן שהיה מתחבא מפני שאול, ואויביו היו מרגלים אותו ומביאים דיבתו אל שאול; כדואג, והזיפים ששלחו לשאול לאמר "הלא דוד מסתתר עמנו" (שמואל א' כג, יט), והרבה כיוצא באלו. והתפלל לקחת נקמתו מהם, ושיצילהו מחרב לשונם.
לַמְנַצֵּ֗חַ מִזְמ֥וֹר לֺדָוִֽד׃
חַלֺּצֵ֣נִי י֭הוה מֵאָדָ֣ם רָ֑ע מֵאִ֖ישׁ חֲמָסִ֣ים תִּנְצֺרֵֽנִי׃
אֲשֶׁ֤ר חָשֺׁב֣וּ רָע֣וֹת בֺּלֵ֑ב כׇּל־י֝֗וֹם יָג֥וּרוּ מִלְחָמֽוֹת׃
שָֽׁנֲנ֣וּ לֺשׁוֹנָם֮ כֺּֽמוֹ־נָ֫חָ֥שׁ חֲמַ֥ת עַכְשׁ֑וּב תַּ֖חַת שֺׂפָתֵ֣ימוֹ סֶֽלָה׃
שׇׁמְרֵ֤נִי יהו֨ה ׀ מִ֘ידֵ֤י רָשָׁ֗ע מֵאִ֣ישׁ חֲמָסִ֣ים תִּנְצֺרֵ֑נִי אֲשֶׁ֥ר חָ֝שֺׁב֗וּ לִדְח֥וֹת פֺּעָמָֽי׃
טָֽמֺנֽוּ־גֵאִ֨ים ׀ פַּ֡ח לִ֗י וַחֲבָלִ֗ים פָּ֣רֺשׂוּ רֶ֭שֶׁת לֺיַד־מַעְגָּ֑ל מֹקֺשִׁ֖ים שָֽׁתוּ־לִ֣י סֶֽלָה׃
אָמַ֣רְתִּי לַ֭יהוה אֵ֣לִי אָ֑תָּה הַאֲזִ֥ינָה י֝הו֗ה ק֣וֹל תַּחֲנוּנָֽי׃
יְהֹוִ֣ה אֲ֭דֹנָי עֹ֣ז יֺשׁוּעָתִ֑י סַכּ֥וֹתָה לֺ֝רֹאשִׁ֗י בֺּי֣וֹם נָֽשֶׁק׃
אַל־תִּתֵּ֣ן י֭הוה מַאֲוַיֵּ֣י רָשָׁ֑ע זֺמָמ֥וֹ אַל־תָּ֝פֵ֗ק יָר֥וּמוּ סֶֽלָה׃
רֹ֥אשׁ מֺסִבָּ֑י עֲמַ֖ל שֺׂפָתֵ֣ימוֹ יֺכַסֵּֽמוֹ׃
יִמּ֥וֹטוּ עֲלֵיהֶ֗ם גֶּֽחָ֫לִ֥ים בָּאֵ֥שׁ יַפִּלֵ֑ם בֺּ֝מַהֲמֹר֗וֹת בַּֽל־יָקֽוּמוּ׃
אִ֥ישׁ לָשׁוֹן֮ בַּל־יִכּ֪וֹן בָּ֫אָ֥רֶץ אִישׁ־חָמָ֥ס רָ֑ע יֺ֝צוּדֶ֗נּוּ לֺמַדְחֵפֹֽת׃
יָדַ֗עְתִּ כִּֽי־יַעֲשֶׂ֣ה י֭הוה דִּ֣ין עָנִ֑י מִ֝שְׁפַּ֗ט אֶבְיֹנִֽים׃
אַ֣ךְ צַ֭דִּיקִים יוֹד֣וּ לִשְׁמֶ֑ךָ יֵשֺׁב֥וּ יֺ֝שָׁרִ֗ים אֶת־פָּנֶֽיךָ׃
עוד תהלים באתר: ספר תהלים כל הפרקים · תהלים יומי · תהלים בציבור