תהלים פרק קמב

"בהיותו במערה" – שהיה שאול רודף אחריו, ונחבא דוד ואנשיו במערה; ושאול נכנס שם במערה להסך את רגליו, וכרת לו כנף מעילו. ושם חיבר זאת התפילה.

מַשְׂכִּ֥יל לֺדָוִ֑ד בִּהְיוֹת֖וֹ בַמֺּעָרָ֣ה תֺפִלָּֽה׃

ק֭וֹלִי אֶל־יהו֣ה אֶזְעָ֑ק ק֝וֹלִ֗י אֶל־יהו֥ה אֶתְחַנָּֽן׃

אֶשְׁפֹּ֣ךְ לֺפָנָ֣יו שִׂיחִ֑י צָ֝רָתִ֗י לֺפָנָ֥יו אַגִּֽיד׃

בֺּהִתְעַטֵּ֬ף עָלַ֨י ׀ רוּחִ֗י וֺאַתָּה֮ יָדַ֪עְתָּ נֺֽתִיבָ֫תִ֥י בֺּאֹֽרַח־ז֥וּ אֲהַלֵּ֑ךְ טָמֺנ֖וּ פַ֣ח לִֽי׃

הַבֵּ֤יט יָמִ֨ין ׀ וּרֺאֵה֮ וֺאֵֽין־לִ֪י מַ֫כִּ֥יר אָבַ֣ד מָנ֣וֹס מִמֶּ֑נִּי אֵ֖ין דּוֹרֵ֣שׁ לֺנַפְשִֽׁי׃

זָעַ֥קְתִּי אֵלֶ֗יךָ יה֫ו֥ה אָ֭מַרְתִּי אַתָּ֣ה מַחְסִ֑י חֶ֝לְקִ֗י בֺּאֶ֣רֶץ הַֽחַיִּים׃

הַקְשִׁ֤יבָה ׀ אֶֽל־רִנָּתִי֮ כִּֽי־דַלּ֪וֹתִ֫י מֺאֹ֥ד הַצִּילֵ֥נִי מֵרֹדֺפַ֑י כִּ֖י אָמֺצ֣וּ מִמֶּֽנִּי׃

ה֘וֹצִ֤יאָה מִמַּסְגֵּ֨ר ׀ נַפְשִׁי֮ לֺהוֹד֪וֹת אֶת־שֺׁ֫מֶ֥ךָ בִּ֭י יַכְתִּ֣רוּ צַדִּיקִ֑ים כִּ֖י תִגְמֹ֣ל עָלָֽי׃