תהלים פרק יז
נראה שחיבר המזמור הזה דרך תפילה, לעזרו ולהצילו מאויביו וצריו הקמים עליו. ולהיותו מתיירא להיענש על עוונותיו, התחיל תפילתו בסיפור תשובתו, ושהפליג בה, כלומר, שאחר שכן, יהיה רצון האל שלא יזיקהו מצד חטאיו.
תֺּפִלָּ֗ה לֺדָ֫וִ֥ד שִׁמְעָ֤ה יהו֨ה ׀ צֶ֗דֶק הַקְשִׁ֥יבָה רִנָּתִ֗י הַאֲזִ֥ינָה תֺפִלָּתִ֑י בֺּ֝לֹ֗א שִׂפְתֵ֥י מִרְמָֽה׃
מִ֭לֺּפָנֶיךָ מִשְׁפָּטִ֣י יֵצֵ֑א עֵ֝ינֶ֗יךָ תֶּחֱזֶ֥ינָה מֵישָׁרִֽים׃
בָּ֘חַ֤נְתָּ לִבִּ֨י ׀ פָּ֘קַ֤דְתָּ לַּ֗יְלָה צֺרַפְתַּ֥נִי בַל־תִּמְצָ֑א זַ֝מֹּתִ֗י בַּל־יַעֲבׇר־פִּֽי׃
לִפְעֻלּ֣וֹת אָ֭דָם בִּדְבַ֣ר שֺׂפָתֶ֑יךָ אֲנִ֥י שָׁ֝מַ֗רְתִּי אׇרֺח֥וֹת פָּרִֽיץ׃
תָּמֹ֣ךְ אֲ֭שׁוּרַי בֺּמַעְגֺּלוֹתֶ֑יךָ בַּל־נָמ֥וֹטּוּ פֺעָמָֽי׃
אֲנִֽי־קֺרָאתִ֣יךָ כִֽי־תַעֲנֵ֣נִי אֵ֑ל הַֽט־אׇזֺנְךָ֥ לִ֝֗י שֺׁמַ֣ע אִמְרָתִֽי׃
הַפְלֵ֣ה חֲ֭סָדֶיךָ מוֹשִׁ֣יעַ חוֹסִ֑ים מִ֝מִּתְקוֹמֺמִ֗ים בִּֽימִינֶֽךָ׃
שׇׁ֭מְרֵנִי כֺּאִישׁ֣וֹן בַּת־עָ֑יִן בֺּצֵ֥ל כֺּ֝נָפֶ֗יךָ תַּסְתִּירֵֽנִי׃
מִפֺּנֵ֣י רֺ֭שָׁעִים ז֣וּ שַׁדּ֑וּנִי אֹיֺבַ֥י בֺּ֝נֶ֗פֶשׁ יַקִּ֥יפוּ עָלָֽי׃
חֶלְבָּ֥מוֹ סָּגֺר֑וּ פִּ֝֗ימוֹ דִּבֺּר֥וּ בֺגֵאֽוּת׃
אַ֭שֻּׁרֵנוּ עַתָּ֣ה סֺבָב֑וּנוּ עֵינֵיהֶ֥ם יָ֝שִׁ֗יתוּ לִנְט֥וֹת בָּאָֽרֶץ׃
דִּמְיֹנ֗וֹ כֺּ֭אַרְיֵה יִכְס֣וֹף לִטְרֹ֑ף וֺ֝כִכְפִ֗יר יֹשֵׁ֥ב בֺּמִסְתָּרִֽים׃
קוּמָ֤ה יהו֗ה קַדֺּמָ֣ה פָ֭נָיו הַכְרִיעֵ֑הוּ פַּלֺּטָ֥ה נַ֝פְשִׁ֗י מֵרָשָׁ֥ע חַרְבֶּֽךָ׃
מִֽמְתִ֥ים יָדֺךָ֨ ׀ יהו֡ה מִֽמְתִ֬ים מֵחֶ֗לֶד חֶלְקָ֥ם בַּֽחַיִּים֮ וּֽצְפוּנֺךָ֮ תֺּמַלֵּ֪א בִ֫טְנָ֥ם יִשְׂבֺּע֥וּ בָנִ֑ים וֺהִנִּ֥יחוּ יִ֝תְרָ֗ם לֺעוֹלֺלֵיהֶֽם׃
אֲנִ֗י בֺּ֭צֶדֶק אֶחֱזֶ֣ה פָנֶ֑יךָ אֶשְׂבֺּעָ֥ה בֺ֝הָקִ֗יץ תֺּמוּנָתֶֽךָ׃
עוד תהלים באתר: ספר תהלים כל הפרקים · תהלים יומי · תהלים בציבור