תהלים פרק כא
זה המזמור, פירשוהו רבותינו ז"ל (שוחר טוב כא, א) – נבואה לעתיד על מלך המשיח. והנראה כי על דוד עצמו נאמר, כשנכונה מלכותו אחר מות שאול, ושעלה על פי ה׳ בחברון ומשחוהו שם אנשי יהודה למלך (ראה שמואל ב' ב, ד), והתפלל במזמור זה שיכונן האל מלכותו.
לַמְנַצֵּ֗חַ מִזְמ֥וֹר לֺדָוִֽד׃
יֽהו֗ה בֺּעׇזֺּךָ֥ יִשְׂמַח־מֶ֑לֶךְ וּ֝בִישׁ֥וּעָתֺךָ֗ מַה־יָּ֥גֶל מֺאֹֽד׃
תַּאֲוַ֣ת לִ֭בּוֹ נָתַ֣תָּה לּ֑וֹ וַאֲרֶ֥שֶׁת שֺׂ֝פָתָ֗יו בַּל־מָנַ֥עְתָּ סֶּֽלָה׃
כִּֽי־תֺ֭קַדֺּמֶנּוּ בִּרְכ֣וֹת ט֑וֹב תָּשִׁ֥ית לֺ֝רֹאשׁ֗וֹ עֲטֶ֣רֶת פָּֽז׃
חַיִּ֤ים ׀ שָׁאַ֣ל מִ֭מֺּךָ נָתַ֣תָּה לּ֑וֹ אֹ֥רֶךְ יָ֝מִ֗ים עוֹלָ֥ם וָעֶֽד׃
גָּד֣וֹל כֺּ֭בוֹדוֹ בִּישׁוּעָתֶ֑ךָ ה֥וֹד וֺ֝הָדָר תֺּשַׁוֶּ֥ה עָלָֽיו׃
כִּֽי־תֺשִׁיתֵ֣הוּ בֺרָכ֣וֹת לָעַ֑ד תֺּחַדֵּ֥הוּ בֺ֝שִׂמְחָ֗ה אֶת־פָּנֶֽיךָ׃
כִּֽי־הַ֭מֶּלֶךְ בֹּטֵ֣חַ בַּיהו֑ה וּבְחֶ֥סֶד עֶ֝לְי֗וֹן בַּל־יִמּֽוֹט׃
תִּמְצָ֣א יָ֭דֺךָ לֺכׇל־אֹיֺבֶ֑יךָ יֺ֝מִֽינֺךָ תִּמְצָ֥א שֹׂנֺאֶֽיךָ׃
תֺּשִׁיתֵ֤מוֹ ׀ כֺּתַנּ֥וּר אֵשׁ֮ לֺעֵ֪ת פָּ֫נֶ֥יךָ י֭הוה בֺּאַפּ֣וֹ יֺבַלֺּעֵ֑ם וֺֽתֹאכֺלֵ֥ם אֵֽשׁ׃
פִּ֭רְיָמוֹ מֵאֶ֣רֶץ תֺּאַבֵּ֑ד וֺ֝זַרְעָ֗ם מִבֺּנֵ֥י אָדָֽם׃
כִּי־נָט֣וּ עָלֶ֣יךָ רָעָ֑ה חָֽשֺׁב֥וּ מֺ֝זִמָּ֗ה בַּל־יוּכָֽלוּ׃
כִּ֭י תֺּשִׁיתֵ֣מוֹ שֶׁ֑כֶם בֺּ֝מֵֽיתָרֶ֗יךָ תֺּכוֹנֵ֥ן עַל־פֺּנֵיהֶֽם׃
ר֣וּמָה יהו֣ה בֺּעֻזֶּ֑ךָ נָשִׁ֥ירָה וּֽ֝נְזַמֺּרָה גֺּבוּרָתֶֽךָ׃
עוד תהלים באתר: ספר תהלים כל הפרקים · תהלים יומי · תהלים בציבור