תהלים פרק ו

אלַמְנַצֵּ֣חַ בִּ֭נְגִינוֹת עַֽל־הַשֺּׁמִינִ֗ית מִזְמ֥וֹר לֺדָוִֽד׃

ביֽהו֗ה אַל־בֺּאַפֺּךָ֥ תוֹכִיחֵ֑נִי וֺֽאַל־בַּחֲמָתֺךָ֥ תֺיַסֺּרֵֽנִי׃

גחׇנֵּ֥נִי יהוה֮ כִּ֤י אֻמְלַ֫ל אָ֥נִי רֺפָאֵ֥נִי יהו֑ה כִּ֖י נִבְהֲל֣וּ עֲצָמָֽי׃

דוֺ֭נַפְשִׁי נִבְהֲלָ֣ה מֺאֹ֑ד וֺאַתָּ֥ה י֝הו֗ה עַד־מָתָֽי׃

השׁוּבָ֣ה י֭הוה חַלֺּצָ֣ה נַפְשִׁ֑י ה֝וֹשִׁיעֵ֗נִי לֺמַ֣עַן חַסְדֶּֽךָ׃

וכִּ֤י אֵ֣ין בַּמָּ֣וֶת זִכְרֶ֑ךָ בִּ֝שְׁא֗וֹל מִ֣י יֽוֹדֶה־לָּֽךְ׃

זיָגַ֤עְתִּי ׀ בֺּֽאַנְחָתִ֗י אַשְׂחֶ֣ה בֺכׇל־לַ֭יְלָה מִטָּתִ֑י בֺּ֝דִמְעָתִ֗י עַרְשִׂ֥י אַמְסֶֽה׃

חעָֽשֺׁשָׁ֣ה מִכַּ֣עַס עֵינִ֑י עָֽ֝תֺקָ֗ה בֺּכׇל־צוֹרֺרָֽי׃

טס֣וּרוּ מִ֭מֶּנִּי כׇּל־פֹּ֣עֲלֵי אָ֑וֶן כִּֽי־שָׁמַ֥ע י֝הו֗ה ק֣וֹל בִּכְיִֽי׃

ישָׁמַ֣ע י֭הוה תֺּחִנָּתִ֑י י֝הו֗ה תֺּֽפִלָּתִ֥י יִקָּֽח׃

יאיֵבֹ֤שׁוּ ׀ וֺיִבָּהֲל֣וּ מֺ֭אֹד כׇּל־אֹיֺבָ֑י יָ֝שֻׁ֗בוּ יֵבֹ֥שׁוּ רָֽגַע׃