תהלים פרק סו
זה המזמור לא הוזכר שם מחברו. ונראה שחובר בזמן יציאת מצרים, נבואה על בניין בית המקדש, וכתבו דוד בספרו. או אפשר שנאמר על הגלות, וחיברו דוד וסיפר בו הנפלאות הקדומות, להוראה, שהאל יכול בכל עת שירצה, ואין להתייאש מגאולתו ותשועתו. או שגם כן יהיו אותות גדולות בזמן ההוא, והוא מעין קריעת הים (ראה להלן, ו), בנבואת "והחרים ה׳ את לשון ים מצרים" (ישעיה יא, טו). והמזמור נמשך יפה לכל אחד מן הביאורים.
לַ֭מְנַצֵּחַ שִׁ֣יר מִזְמ֑וֹר הָרִ֥יעוּ לֵ֝אלֹהִים כׇּל־הָאָֽרֶץ׃
זַמֺּר֥וּ כֺבֽוֹד־שֺׁמ֑וֹ שִׂ֥ימוּ כָ֝ב֗וֹד תֺּהִלָּתֽוֹ׃
אִמְר֣וּ לֵ֭אלֹהִים מַה־נּוֹרָ֣א מַעֲשֶׂ֑יךָ בֺּרֹ֥ב עֻ֝זֺּךָ֗ יֺֽכַחֲשׁ֖וּ לֺךָ֣ אֹיֺבֶֽיךָ׃
כׇּל־הָאָ֤רֶץ ׀ יִשְׁתַּחֲו֣וּ לֺ֭ךָ וִֽיזַמֺּרוּ־לָ֑ךְ יֺזַמֺּר֖וּ שִׁמְךָ֣ סֶֽלָה׃
לֺכ֣וּ וּ֭רֺאוּ מִפְעֲל֣וֹת אֱלֹהִ֑ים נוֹרָ֥א עֲ֝לִילָ֗ה עַל־בֺּנֵ֥י אָדָֽם׃
הָ֤פַךְ יָ֨ם ׀ לֺֽיַבָּשָׁ֗ה בַּ֭נָּהָר יַֽעַבְר֣וּ בֺרָ֑גֶל שָׁ֝֗ם נִשְׂמֺחָה־בּֽוֹ׃
מֹ֘שֵׁ֤ל בִּגְבוּרָת֨וֹ ׀ עוֹלָ֗ם עֵ֭ינָיו בַּגּוֹיִ֣ם תִּצְפֶּ֑ינָה הַסּוֹרֺרִ֓ים ׀ אַל־יָר֖וּמוּ לָ֣מוֹ סֶֽלָה׃
בָּרֺכ֖וּ עַמִּ֥ים ׀ אֱלֹהֵ֑ינוּ וֺ֝הַשְׁמִ֗יעוּ ק֣וֹל תֺּהִלָּתֽוֹ׃
הַשָּׂ֣ם נַ֭פְשֵׁנוּ בַּֽחַיִּ֑ים וֺלֹֽא־נָתַ֖ן לַמּ֣וֹט רַגְלֵֽנוּ׃
כִּֽי־בֺחַנְתָּ֥נוּ אֱלֹהִ֑ים צֺ֝רַפְתָּ֗נוּ כִּצְרׇף־כָּֽסֶף׃
הֲבֵאתָ֥נוּ בַמֺּצוּדָ֑ה שַׂ֖מְתָּ מוּעָקָ֣ה בְמׇתֺנֵֽינוּ׃
הִרְכַּ֥בְתָּ אֱנ֗וֹשׁ לֺרֹ֫אשֵׁ֥נוּ בָּֽאנוּ־בָאֵ֥שׁ וּבַמַּ֑יִם וַ֝תּוֹצִיאֵ֗נוּ לָֽרֺוָיָֽה׃
אָב֣וֹא בֵיתְךָ֣ בֺעוֹל֑וֹת אֲשַׁלֵּ֖ם לֺךָ֣ נֺדָרָֽי׃
אֲשֶׁר־פָּצ֥וּ שֺׂפָתָ֑י וֺדִבֶּר־פִּ֝֗י בַּצַּר־לִֽי׃
עֹ֘ל֤וֹת מֵחִ֣ים אַעֲלֶה־לָּ֭ךְ עִם־קֺטֹ֣רֶת אֵילִ֑ים אֶ֥עֱשֶֽׂה בָקָ֖ר עִם־עַתּוּדִ֣ים סֶֽלָה׃
לֺכֽוּ־שִׁמְע֣וּ וַ֭אֲסַפֺּרָה כׇּל־יִרְאֵ֣י אֱלֹהִ֑ים אֲשֶׁ֖ר עָשָׂ֣ה לֺנַפְשִֽׁי׃
אֵלָ֥יו פִּֽי־קָרָ֑אתִי וֺ֝רוֹמַ֗ם תַּ֣חַת לֺשׁוֹנִֽי׃
אָ֭וֶן אִם־רָאִ֣יתִי בֺלִבִּ֑י לֹ֖א יִשְׁמַ֣ע ׀ אֲדֹנָֽי׃
אָ֭כֵן שָׁמַ֣ע אֱלֹהִ֑ים הִ֝קְשִׁ֗יב בֺּק֣וֹל תֺּפִלָּתִֽי׃
בָּר֥וּךְ אֱלֹהִ֑ים אֲשֶׁ֥ר לֹֽא־הֵסִ֘יר תֺּפִלָּתִ֥י וֺ֝חַסְדּ֗וֹ מֵאִתִּֽי׃
עוד תהלים באתר: ספר תהלים כל הפרקים · תהלים יומי · תהלים בציבור