תהלים פרק פא
כוונת זה המזמור לזמר בו בראש השנה. והזכיר בו עניין יציאת מצרים, שכל המועדות סובבות. וכבר ידעת, שאף על פי שלא נגאלו ישראל ממצרים עד ניסן, מכל מקום בראש השנה בטלה עבודה מהם.
לַמְנַצֵּ֬חַ ׀ עַֽל־הַגִּתִּ֬ית לֺאָסָֽף׃
הַ֭רְנִינוּ לֵאלֹהִ֣ים עוּזֵּ֑נוּ הָ֝רִ֗יעוּ לֵאלֹהֵ֥י יַעֲקֹֽב׃
שֺֽׂאוּ־זִ֭מְרָה וּתֺנוּ־תֹ֑ף כִּנּ֖וֹר נָעִ֣ים עִם־נָֽבֶל׃
תִּקְע֣וּ בַחֹ֣דֶשׁ שׁוֹפָ֑ר בַּ֝כֵּ֗סֶה לֺי֣וֹם חַגֵּֽנוּ׃
כִּ֤י חֹ֣ק לֺיִשְׂרָאֵ֣ל ה֑וּא מִ֝שְׁפָּ֗ט לֵאלֹהֵ֥י יַעֲקֹֽב׃
עֵ֤דוּת ׀ בִּֽיה֘וֹסֵ֤ף שָׂמ֗וֹ בֺּ֭צֵאתוֹ עַל־אֶ֣רֶץ מִצְרָ֑יִם שֺׂפַ֖ת לֹא־יָדַ֣עְתִּי אֶשְׁמָֽע׃
הֲסִיר֣וֹתִי מִסֵּ֣בֶל שִׁכְמ֑וֹ כַּ֝פָּ֗יו מִדּ֥וּד תַּעֲבֹֽרֺנָה׃
בַּצָּרָ֥ה קָרָ֗אתָ וָאֲחַ֫לֺּצֶ֥ךָּ אֶ֭עֶנְךָ בֺּסֵ֣תֶר רַ֑עַם אֶבְחׇֽנְךָ֨ עַל־מֵ֖י מֺרִיבָ֣ה סֶֽלָה׃
שֺׁמַ֣ע עַ֭מִּי וֺאָעִ֣ידָה בָּ֑ךְ יִ֝שְׂרָאֵ֗ל אִם־תִּֽשְׁמַֽע־לִֽי׃
לֹֽא־יִהְיֶ֣ה בֺ֭ךָ אֵ֣ל זָ֑ר וֺלֹ֥א תִ֝שְׁתַּחֲוֶ֗ה לֺאֵ֣ל נֵכָֽר׃
אָנֹכִ֨י ׀ יה֘ו֤ה אֱלֹהֶ֗יךָ הַֽ֭מַּעַלְךָ מֵאֶ֣רֶץ מִצְרָ֑יִם הַרְחֶב־פִּ֝֗יךָ וַאֲמַלְאֵֽהוּ׃
וֺלֹא־שָׁמַ֣ע עַמִּ֣י לֺקוֹלִ֑י וְ֝יִשְׂרָאֵ֗ל לֹא־אָ֥בָה לִֽי׃
וָֽ֭אֲשַׁלֺּחֵהוּ בִּשְׁרִיר֣וּת לִבָּ֑ם יֵ֝לֺכ֗וּ בֺּֽמוֹעֲצוֹתֵיהֶֽם׃
ל֗וּ עַ֭מִּי שֹׁמֵ֣עַֽ לִ֑י יִ֝שְׂרָאֵ֗ל בִּדְרָכַ֥י יֺהַלֵּֽכוּ׃
כִּ֭מְעַט אוֹיֺבֵיהֶ֣ם אַכְנִ֑יעַ וֺעַ֥ל־צָ֝רֵיהֶ֗ם אָשִׁ֥יב יָדִֽי׃
מֺשַׂנְאֵ֣י י֭הוה יֺכַֽחֲשׁוּ־ל֑וֹ וִיהִ֖י עִתָּ֣ם לֺעוֹלָֽם׃
וַֽ֭יַּאֲכִילֵהוּ מֵחֵ֣לֶב חִטָּ֑ה וּ֝מִצּ֗וּר דֺּבַ֣שׁ אַשְׂבִּיעֶֽךָ׃
עוד תהלים באתר: ספר תהלים כל הפרקים · תהלים יומי · תהלים בציבור