תהלים פרק פב
כוונת המזמור להזהיר על השופטים, שהיו מקלקלים ומעוותים את משפטיהם תמיד, כמו שמצינו ביהושפט כששב מרמות גלעד, שהזהיר את העם על זה ואמר להם: "ראו מה אתם עֹשׂים כי לא לאדם תשפטו כי לה׳" וכו׳ (דברי הימים ב' יט, ו).
מִזְמ֗וֹר לֺאָ֫סָ֥ף אֱֽלֹהִ֗ים נִצָּ֥ב בַּעֲדַת־אֵ֑ל בֺּקֶ֖רֶב אֱלֹהִ֣ים יִשְׁפֹּֽט׃
עַד־מָתַ֥י תִּשְׁפֺּטוּ־עָ֑וֶל וּפְנֵ֥י רֺ֝שָׁעִ֗ים תִּשְׂאוּ־סֶֽלָה׃
שִׁפְטוּ־דַ֥ל וֺיָת֑וֹם עָנִ֖י וָרָ֣שׁ הַצְדִּֽיקוּ׃
פַּלֺּטוּ־דַ֥ל וֺאֶבְי֑וֹן מִיַּ֖ד רֺשָׁעִ֣ים הַצִּֽילוּ׃
לֹ֤א יָֽדֺע֨וּ ׀ וֺלֹ֥א יָבִ֗ינוּ בַּחֲשֵׁכָ֥ה יִתְהַלָּ֑כוּ יִ֝מּ֗וֹטוּ כׇּל־מ֥וֹסֺדֵי אָֽרֶץ׃
אֲֽנִי־אָ֭מַרְתִּי אֱלֹהִ֣ים אַתֶּ֑ם וּבְנֵ֖י עֶלְי֣וֹן כֻּלֺּכֶֽם׃
אָ֭כֵן כֺּאָדָ֣ם תֺּמוּת֑וּן וּכְאַחַ֖ד הַשָּׂרִ֣ים תִּפֹּֽלוּ׃
קוּמָ֣ה אֱ֭לֹהִים שׇׁפְטָ֣ה הָאָ֑רֶץ כִּֽי־אַתָּ֥ה תִ֝נְחַ֗ל בֺּכׇל־הַגּוֹיִֽם׃
עוד תהלים באתר: ספר תהלים כל הפרקים · תהלים יומי · תהלים בציבור