תהלים פרק פג
אמרו בכוונת זה המזמור, שהוא נאמר על מלחמת יהושפט, כמו שכתוב בדברי הימים (ב' כ), שבאו עליו בני שעיר ועמון ומואב, ונתלקטו עמהם הרבה מן האומות משכניהם. והנראה, כי הוא נאמר על זה הגלות, שכן האומות מסכימות להרע לנו ולהכחידנו מהיות.
שִׁ֖יר מִזְמ֣וֹר לֺאָסָֽף׃
אֱלֹהִ֥ים אַל־דֳּמִי־לָ֑ךְ אַל־תֶּחֱרַ֖שׁ וֺאַל־תִּשְׁקֹ֣ט אֵֽל׃
כִּֽי־הִנֵּ֣ה א֭וֹיֺבֶיךָ יֶהֱמָי֑וּן וּ֝מֺשַׂנְאֶ֗יךָ נָ֣שֺׂאוּ רֹֽאשׁ׃
עַֽל־עַ֭מֺּךָ יַעֲרִ֣ימוּ ס֑וֹד וֺ֝יִתְיָעֲצ֗וּ עַל־צֺפוּנֶֽיךָ׃
אָמֺר֗וּ לֺ֭כוּ וֺנַכְחִידֵ֣ם מִגּ֑וֹי וֺלֹֽא־יִזָּכֵ֖ר שֵֽׁם־יִשְׂרָאֵ֣ל עֽוֹד׃
כִּ֤י נוֹעֲצ֣וּ לֵ֣ב יַחְדָּ֑ו עָ֝לֶ֗יךָ בֺּרִ֣ית יִכְרֹֽתוּ׃
אׇהֳלֵ֣י אֱ֭דוֹם וֺיִשְׁמֺעֵאלִ֗ים מוֹאָ֥ב וֺהַגְרִֽים׃
גֺּבָ֣ל וֺ֭עַמּוֹן וַעֲמָלֵ֑ק פֺּ֝לֶ֗שֶׁת עִם־יֹ֥שֺׁבֵי צֽוֹר׃
גַּם־אַ֭שּׁוּר נִלְוָ֣ה עִמָּ֑ם הָ֤י֥וּ זֺר֖וֹעַ לִבְנֵי־ל֣וֹט סֶֽלָה׃
עֲשֵֽׂה־לָהֶ֥ם כֺּמִדְיָ֑ן כֺּֽסִֽיסֺרָ֥א כֺ֝יָבִ֗ין בֺּנַ֣חַל קִישֽׁוֹן׃
נִשְׁמֺד֥וּ בֺֽעֵין־דֹּ֑אר הָ֥יוּ דֹּ֝֗מֶן לָאֲדָמָֽה׃
שִׁיתֵ֣מוֹ נֺ֭דִיבֵמוֹ כֺּעֹרֵ֣ב וֺכִזְאֵ֑ב וּֽכְזֶ֥בַח וּ֝כְצַלְמֻנָּ֗ע כׇּל־נֺסִיכֵֽמוֹ׃
אֲשֶׁ֣ר אָ֭מֺרוּ נִ֣ירֲשָׁה לָּ֑נוּ אֵ֝֗ת נֺא֣וֹת אֱלֹהִֽים׃
אֱֽלֹהַ֗י שִׁיתֵ֥מוֹ כַגַּלְגַּ֑ל כֺּ֝קַ֗שׁ לִפְנֵי־רֽוּחַ׃
כֺּאֵ֥שׁ תִּבְעַר־יָ֑עַר וּ֝כְלֶהָבָ֗ה תֺּלַהֵ֥ט הָרִֽים׃
כֵּ֭ן תִּרְדֺּפֵ֣ם בֺּסַעֲרֶ֑ךָ וּבְסוּפָתֺךָ֥ תֺבַהֲלֵֽם׃
מַלֵּ֣א פֺנֵיהֶ֣ם קָל֑וֹן וִֽיבַקְשׁ֖וּ שִׁמְךָ֣ יהוֽה׃
יֵבֹ֖שׁוּ וֺיִבָּהֲל֥וּ עֲדֵי־עַ֗ד וֺֽיַחְפֺּר֥וּ וֺיֹאבֵֽדוּ׃
וֺֽיֵדֺע֗וּ כִּֽי־אַתָּ֬ה שִׁמְךָ֣ יהו֣ה לֺבַדֶּ֑ךָ עֶ֝לְי֗וֹן עַל־כׇּל־הָאָֽרֶץ׃
עוד תהלים באתר: ספר תהלים כל הפרקים · תהלים יומי · תהלים בציבור